MEDIA ASIA

News

TV Drama

盧慧敏《叠影狙擊》女殺手戰鬥格鬧市駁火 疑患「跑步困難症」自嘲極似蟹與馬混合體

長腿美女盧慧敏(Amy)在梁家樹及謝穎擔任總監製的電視劇《叠影狙擊》裏,搖身一變女殺手,這是她人生第一次埋位演武打場面,拿起手槍在街頭駁火,還狂跑幾條街追殺目標,40吋長腿飛踢動作,非常有型,不過Amy自爆首日開工才發現疑似患上「跑步困難症」,跑姿古怪,更自嘲似蟹又像馬,為了跑得靚和穿高跟鞋跑步,急請武術師傅上課「惡補」!

 

「第一日埋位拍動作場面,亦係我人生第一次動作場面和揸槍,好興奮,可以試新嘢!我角色係女殺手,由表情、姿態,同埋處事方式都好有型、狠和果斷。我慶幸今日未有太多動作場面,淺嚐一下,最開心發現自己好多缺點。首先我有『跑步困難症』,唔可以跑得好有型,可能由細到大,我只會喺危急關頭先至會跑,當然唔會理儀態和儀容,所以今日就發現自己跑起嚟,跑姿好似一個蟹和馬溝埋嘅生物,真係要好好改善。」Amy好搞笑。

 

其實最大挑戰是穿高跟鞋跑步,她說:「我做Model或平時工作,經常著高踭鞋行和企,雖然唔可以話係乜嘢『強項』,但至少習慣晒,一定無問題。不過今次拍戲要『跑』就係一大學問。需要平時唔用嘅肌肉幫手,先至可以好穩陣和做出有型跑姿,我真係要搵武術師傅再研究和上堂學習。」

 

戲中Amy與黃宗澤有不少對手戲,她感謝對方的耐性。「多謝黃宗澤同導演,佢地對我好好、好有耐性。我無咩拍戲和武打經驗,但因為時間緊逼,未必每次都一齊睇playback(回看),好依賴大家嘅信任。」Amy感謝他們指出她的缺點,讓她對症下藥,好好改善。她說:「佢地好仔細咁同我講解,我做得唔夠鮮明,鏡頭前講求好高嘅清晰度,動作要好利落。少少似音樂,每一個動作都好似打一下拍子,要好清楚,呢啲全部都係佢哋經驗分享。」Amy表示得到前輩的指導,好感恩,她說:「真係好寶貴,我由零開始,好需要實戰經驗。見到自己嘅『不足』,先可以進步。過咗今日我又進步咗,我鼓勵每個人嘗試多啲認為自己覺得好困難、好辛苦嘅事,要一日比一日強!」

TV Drama

朱鑑然鑽研呼吸 挑戰演全身癱瘓角色 飛飛死前含淚告白神來之筆 純屬意外

More

開機前練習體能意外折斷肋骨 周秀娜著高踭鞋中環跑街挑戰極限

More

盧慧敏首次演打女 超大壓力 黃宗澤險遭周秀娜擊傷要害

More

朱鑑然遭迷暈生劏活摘器官 Van被周秀娜壁咚毆打叫爽

More

演斯德哥爾摩候群症角色身心虛脫 蔡穎恩搵甄詠蓓補課務求演得更好

More

與性感女神周秀娜泳池開工 事前充滿幻想 黃宗澤絕望:佢全副武裝,淨係見到對眼!

More

特訓小隊Scott娸娸浸浴舒緩肌肉痛 Amy忍受拉筋之苦練長腿功做奸角

More

《家族榮耀之繼承者》開機 佘詩曼、林峯六度合作演繹全新故事

More

電視劇《家族榮耀之繼承者》開機

More

欣宜錄主題曲幻想掌摑潑水情節 Van唱《家族榮耀》片尾曲大壓力

More

電視劇《家族榮耀》由張智霖楊茜堯豪華陣容演繹世家愛恨

More

寰亞電視《蝕日風暴》

More