MEDIA ASIA

新聞

電視劇集

欣宜錄主題曲幻想掌摑潑水情節 Van唱《家族榮耀》片尾曲大壓力

歌手鄭欣宜(Joyce)和樂隊Nowhere Boys主音陳維諾(Van),分別主唱「寰亞電視」新劇《家族榮耀》的主題曲《分岔路》和片尾曲《我們都是這樣長大的》。日前他們與戲中「馬家大少奶」熊黛林(Lynn)和她戲中兩位囡囡「招娣」劉沛蘅(Hillary)和「來娣」潘藝桐(Pearl)在Highlighter_Channel 的IG 開LIVE唱歌和玩遊戲,歡度新年。

 

《家族榮耀》昨晚在TVB首播,第一集劇情已經非常緊張刺激,馬家上下各懷鬼胎,恩怨情仇一觸即發。日前Lynn率領戲中兩位囡囡網上開LIVE分享拍攝趣事,還邀請了主唱《家族榮耀》主題曲《分岔路》的Joyce、片尾曲《我們都是這樣長大的》的Van,以及兩首歌的監製Edmond Tsang做嘉賓,即場演唱兩曲。Joyce表示首次公開演唱這歌,心情興奮,眾人都聽得好肉緊。

 

Lynn對Joyce說:「你完全唱出戲裏面我哋嘅感情,每次聽都好有畫面。尤其是你唱『情感散落路邊野花』嘅時候,我個腦就會出現黃浩然(戲中二少爺)同個小三嘅畫面、仲諗起佢老婆阿怡(楊茜堯),心情都好激動。」Joyce 手舞足蹈地說:「我唱呢首歌嘅時候,諗返細細個成日睇呢類劇集,嗰啲掌摑呀、開開吓會成杯水撥去對面嗰個個人塊面度嘅情景,我將嗰啲感覺全部放入首歌。」

 

而Hillary表示很喜歡Van唱的片尾曲《我們都是這樣長大的》,與鄭秀文(Sammi)唱的版本感覺很不一樣 。Van說:「Joyce就要諗啲好激動嘅情節,我唱呢首歌反而要冷靜啲,收起我平時Band仔嗰種激動。其實我好大壓力,Sammi原唱版本太好聽,好彩有監製Edmond幫我做心理輔導,又指導我點樣唱。呢首歌真係好難唱,無位抖氣,Sammi真係好犀利!」Lynn說:「Joyce唱嘅主題曲就好似我哋劇中角色,喺出面打仗、針鋒相對咁刺激,而聽到Van唱嘅片尾曲,就好似返到屋企,好平靜、好舒服嘅感覺。」Joyce 非常認同,說:「所以話呢兩首歌嘅擺位係經過悉心安排、係絕配,追劇時聽埋我哋嘅歌最完美!」

 

之後,Hillary和Pearl亦獻唱非常好意頭的《你最紅》助慶,二人表示在兩位專業歌手表演之後出場很大壓力,Joyce和Van為她們拍掌打氣。而Lynn亦歌癮起,清唱了一段《分分鐘需要你》,Joyce亦加入合唱了幾句。最後他們再玩了一個用Emoji估賀詞和人名的遊戲,爭相搶答,全場笑聲,非常熱鬧,LIVE在歡樂氣氛下圓滿結束。

 

接受訪問時,Van表示這個農曆新年期間吃了 五盆蘿蔔糕,Joyce聞言O咀大叫「What?」她說:「我好叻,忍到口,一啖都無食過,去拜年就不停剝開心果迴避,只係飲咗好多功夫茶和咖啡,哈哈!」她還分享錄《分岔路》時的趣事,說:「錄音當日,我帶咗雪糕和薯片慰勞現場工作人員,點知個個都話等埋我錄埋歌一齊食,其實我都唔食得,結果雪糕溶晒,好彩用薯片蘸嚟食都好好味!」Van說:「我都係錄歌之前唔可以食嘢,怕影響把聲,加上我今次錄歌緊張到根本就食唔落嘢!」而Lynn、Hillary和Pearl都表示新年假期都甚少出外,Pearl索性跟家人視像拜年。

電視劇集

《家族榮耀之繼承者》05•13 隆重登場 佘詩曼林峯羅子溢黃浩然梁靖琪強勢列陣 大鬥演技再續榮耀 勢掀起腥風血雨的繼承之戰

更多

朱鑑然鑽研呼吸 挑戰演全身癱瘓角色 飛飛死前含淚告白神來之筆 純屬意外

更多

盧慧敏《叠影狙擊》女殺手戰鬥格鬧市駁火 疑患「跑步困難症」自嘲極似蟹與馬混合體

更多

開機前練習體能意外折斷肋骨 周秀娜著高踭鞋中環跑街挑戰極限

更多

盧慧敏首次演打女 超大壓力 黃宗澤險遭周秀娜擊傷要害

更多

朱鑑然遭迷暈生劏活摘器官 Van被周秀娜壁咚毆打叫爽

更多

演斯德哥爾摩候群症角色身心虛脫 蔡穎恩搵甄詠蓓補課務求演得更好

更多

與性感女神周秀娜泳池開工 事前充滿幻想 黃宗澤絕望:佢全副武裝,淨係見到對眼!

更多

特訓小隊Scott娸娸浸浴舒緩肌肉痛 Amy忍受拉筋之苦練長腿功做奸角

更多

《家族榮耀之繼承者》開機 佘詩曼、林峯六度合作演繹全新故事

更多

電視劇《家族榮耀之繼承者》開機

更多

電視劇《家族榮耀》由張智霖楊茜堯豪華陣容演繹世家愛恨

更多

寰亞電視《蝕日風暴》

更多