鄭秀文(Sammi)早前與林嘉欣、蔡穎恩、林皓霆等，出席珠寶品牌BVLGARI尖沙咀旗艦店開幕活動，吸引千名Fans圍觀，非常熱鬧。
將於下月紅館開騷的Sammi透露早前確診新冠肺炎，受後遺症影響，突然失聲和咳嗽。她說：「安仔（丈夫許志安）最辛苦，我半夜狂咳，加上我有哮喘，安仔斟茶遞水、拍痰，又要諗使唔使送我去醫院，總之枕邊人最辛苦。」她坦言為了回復聲線，甚麼偏方都會試，就算吃蛤蚧也願意。她說：「有Fans買機票回港睇我演唱會，無理由要佢哋承受。公司又已經做咗好多嘢，今次我都原諒唔到自己，有少少壓力超標。自己真係冇咩把握唱，噚日要試歌，都係聽音樂，喺個心試唱，因為有時把聲會突然冇咗！」對於安仔的親哥哥許志偉參加歌唱比賽面試，Sammi表示整個家族都非常支持他，她說：「許家上下唱歌都很有天份，全家都不走音。（佢話安仔無覆佢訊息？）嗰日我病得犀利，安仔手忙腳亂，之後覆咗八哥，佢兩個一把年紀仲傾到情意綿綿咁。」
同場林嘉欣表示四年前開始與品牌合作，關係好好，曾獲邀到羅馬參觀品牌旗艦店。今次她戴上BVLGARI High Jewelry系 24卡藍寶石頸鏈出席早上開幕剪綵禮，之後換上SHUSHU/TONG訂製裙，佩戴價值超過港幣三千萬元，140多卡綠寶石的頸鏈出席晚上派對，閃亮全場。嘉欣透露早前到加拿大拍戲，是她第一次以全英文拍戲，感覺很有趣。
