「唱作王子」馮允謙（Jay Fung)、樂隊Dear Jane成員Jackal、《全民造星V》參賽者兼本地霹靂舞者C Plus施嘉鑫、滑板運動員陸俊彥等獲邀出席「VOICES OF SNEAKERS 說好波鞋故事」活動，分享大家跟波鞋的小故事。
Jay Fung 於開幕活動帶來90年代NBA球星Penny Hardaway代言的經典波鞋Nike Air Foamposite One “Penny PE”。Penny Hardaway於96至97年間曾穿上這對黑白配色波鞋，但一直未有推出市面發售。Jay Fung特別偏愛黑白配色，笑言：「我好鍾意Penny Hardaway，今年3月時我好開心開咗個人第一個紅館Show，所以就儲咗啲錢，對鞋一出就買嚟獎勵自己！」
他又透露讀書時已愛上打籃球，從那時起就有收藏波鞋的習慣，家裏已收藏近百對波鞋！他自爆笑料：「我好傻！有啲限量版我通常唔捨得著，有人話如果太耐唔著，個鞋底就會甩，我好擔心，所以每次返加拿大屋企，都會拎晒啲波鞋出嚟檢查，平時又會拎出嚟欣賞。」
