「唱作王子」馮允謙（Jay Fung）最近與好朋友陳柏宇（Jason），接受TVB音樂節目《J Music》邀請，擔任「一晚限定」環節嘉賓。兩位實力派難得同台，特意揀選了陳奕迅的經典作品《今日》合唱，兩把獨特聲線完美融合，聽出耳油！被問到兩位有無諗過正式出合唱作品？Jason即場大爆好消息，透露「不久將來會有合作」，令樂迷相當期待。除了合唱，Jay Fung深情獻唱新歌《齊柏林飛船》，Jason則獻唱《旁若無人》，並透露新碟將收錄十首新作品。
而最近推出第二張專輯的「寰亞孻女」黃淑蔓（Feanna）為節目帶來全新作品《喵！》，接受主持人林智樂和潘靜文訪問。她表示新歌有別以往抒情慢歌的曲風，她說：「我鍾意嘗試不同曲風，過往都有作品較輕快，例如《猜猜我是誰？》。去年出咗三首歌都偏向慢版抒情，今年初出碟而且新年，不如出一首開心啲嘅快歌，關於我嘅歌，同埋中間有Rap，可以挑戰。之前作品《一定要得》亦有Rap部份，但被取笑似『小朋友數白欖』，所以今次為新歌《喵！》認真學Rap。」至於新碟歌單順序非跟推出時間，Feanna透露當中有小心思，說：「因為收錄咗我呢七年來嘅作品，我把聲有少少變化，刻意唔順時序，希望歌迷有驚喜。」
