「仙氣女神」雲浩影（Cloud）大年初五（21日）現身灣仔會展出席結婚展活動，演唱《你在我不遠處》、《別畏高》和《回憶半分鐘》，過百Fans捧場，現場亦有不少準新人拍住拖聽Cloud唱歌，非常溫馨。其中更有Cloud準備結婚的中學同學，事後記者問她結婚計劃，她說：「每個人嘅路不同，自己想先專注事業，其它順其自然。」馬年目標，希望能創作出更多讓大家喜歡的歌曲，更透露4月出新專輯。
Cloud農曆新年假期除了好好休息，亦有到親友家拜年。，大年初三「赤口」當日，Cloud貪得意網上找人「嗌交」開年，原因是覺得有點悶：「我歡迎大家鬧我，同埋赤口應咗佢，同我鬧完後就唔會同朋友嗌交，我係咁樣嘅諗法。」雖然主動在網上「搵交嗌」，但她強調不會在赤口當日找朋友爭執，「盡量避免，同埋我覺得今年大家比較火，燥咗好多，所以大家今年都以和為貴。」對於網民表面扮罵，事實留言讚她，Cloud笑指大家都很鬼馬，下次可以再兇狠一點，因為自己本身很期待被罵。
