「香港電影導演會周年晚宴暨年度頒獎典禮」於3月10日晚上假香港麗晶酒店舉行，當晚大會頒發「最佳導演」、「最佳電影」、「最佳男主角」、「最佳女主角」、「最佳男配角」、「最佳女配角」、「最佳新演員」、「新晉導演」，大會亦會頒發由全體執委選出的「榮譽大獎」及「執委會特別獎」，十個獎項。周潤發、古天樂、洪金寶、任達華、任賢齊、惠英紅及洪金寶等出席，星光熠熠。
《九龍城寨之圍城》導演鄭保瑞奪得「最佳導演」，劉偉強導演宣布及頒獎，鄭保瑞邀請洪金寶、古天樂、任賢齊、黃德斌、張文傑、伍允龍、胡子彤等《九龍城寨之圍城》演員、監製莊澄及一眾台前幕後上台，分享喜悅。他說：「好開心得到咁多位導演認同，選我做最佳導演，《城寨》係商業片，係動作片，我好慶幸喺呢個圈長大，我真係跟住一班前輩成長，從佢哋身上學到好多獨特方法，香港咁獨特嘅拍戲方法，淨係香港先得，呢樣嘢係前輩留落嚟，剛才發哥同我講拍得好好，我都係學咗佢哋以前嘅嘢，當然呢一代亦加入自己想法，希望觀眾有鮮感，慶幸適得用佢哋方法拍戲，我係幸福，經歷黃金時代的尾巴成長。」
接著，香港電影導演會創會會長吳思遠頒發「最佳電影」予《九龍城寨之圍城》，由監製莊澄領獎及致詞。他說：「多謝大哥洪金寶、古天樂、任賢齊，仲有郭富城拔刀相助，黃德斌同埋一班生力軍發光發熱。呢個經驗係要錢㗎嘛，所以好多謝出品方，寰亞電影、無限動力、天下一電影、銀都機構及聯瑞影業。仲要多謝觀眾支持，希望導演會嘅導演繼續拍多啲好嘅香港電影。」
之後一眾年輕歌手上台演唱，雲浩影Cloud獻唱《回憶半分鐘》，仙氣滿滿。「寰亞孻女」黃淑蔓Feanna唱出電影《那一天我們會飛》的主題曲《差一點我們會飛》，台下電影導演黃修平和男主角游學修揮手拍和。Feanna說：「呢首歌係我十年前嘅出道作品，雖然喺唱歌方面我係一個小小嘅前輩，但喺電影界我係一個新人，我鍾意拍電影，歡迎各位導演搵我casting，我係黃淑蔓呀！」非常可愛，台下拍掌。
