集合一众年轻新晋演员拍摄的全新浪漫爱情电影《不是你不爱你》，由寰亚电影出品、寰亚电影及洲立影片联合发行、叶念琛身兼监制、导演、编剧，将于2024年1月18日浪漫上映。早前在圣诞、元旦长假期举行多个优先场，反应热烈。戏中情迷男主角陈昊森的可爱少女Hazel林熙彤，演出被受赞赏，亦跟导演叶念琛及其他演员四出谢票，亲身感受观众反应，开心又兴奋。
首次进军大银幕、刚踏入20岁的Hazel，由Model界別踩入影圈，坦言埋位前有做足功课，她说：「戏里面我饰演子欣，一个好锺意唱歌嘅女仔，只有十七岁，同我年纪好相近，埋位前我睇咗好多戏去参考，谂咗好耐点样去呈现十七岁嘅子欣俾观众睇，佢嘅性格应该会系点。」
第一次拍戏，Hazel做足功课，但正式埋位，难免会紧张起来。「拍《不是你不爱你》奉献咗我好多第一次，除咗第一次拍戏、仲有第一次唱歌、第一次打人、第一次萤幕初吻，献咗俾昊森，当日我哋系第二次见面，但我就系第一日埋位第一场戏，所以好紧张，我仲要系主动向佢表白、再锡佢块面。其实现实中嘅我算系有啲胆嘅女仔，无论系感情事，抑或其他嘢，我认为机会系要自己争取。」
除了萤幕初吻令Hazel手足无措，掌掴戏中情敌Helen谭凯伦，也令她相当内疚。「拍之前有不断问人要点样掌掴人，Anjaylia（陈嘉宝）教我要剪指甲，去到现场就有武指指导我点掴，原来唔容易，同埋我掴咗好多次，有啲大力，虽然Helen没受伤，但每次打完我都要揽番住佢，好内疚。同埋当日仲有啲拉扯嘅场面，为咗令自己更入戏，我叫咗佢哋大力啲捉实我，出来效果会真实啲，但只手就瘀咗少少。」
除此之外，Hazel更在戏中初次啼声，剧情指一直梦想成为歌手的她，获男主角陈昊森帮忙穿针引缐安排试音，好友Mandy与阿丙梁仲恆为她在录音室打气。回想当日走到录音室录歌，Hazel难掩兴奋，她说：「入录音室觉得好得意，戴住耳机会听到自己把声听得好清楚，平日自己喺洗手间唱歌，以为好好听，但当听到咁清楚嘅时候，就会发现有啲高低音要处理，其实唱歌都好好玩，日后会努力去学吓。」
至于在戏中跟Hazel饰演两兄妹的阿丙，虽然身高悬殊，但剧组上下都觉得他们好有「兄妹相」。「阿丙戏里面嘅打扮好得意，短裤烂衫人字拖，而我就着到色彩缤纷，我哋一见面没嗰种尴尬，节奏上夹得好好，真系好似阿哥同阿妹咁。」Hazel说。
故事大纲
那年暑假，花园街长大，性格开朗善良的阿宝（谭旻萱饰）偶遇和父亲感情不佳的富家子家伟（陈昊森饰）。为报復父亲再婚，家伟聘用阿宝及其好友大强（梁仲恆饰）等人捣乱婚礼，促成他与阿宝认识并开始交往。两人情投意合，嚐尽热恋甜蜜，本以为缘定今生，岂料命运却为这段爱情安排了急转直下的暗涌...
