温暖小品电影《得宠先生》票房报捷,让第一次拍电影的冯允谦(Jay)心情兴奋,他的fans亦非常雀跃,日前自发在MCL 尖沙咀K11戏院包场支持,门票火速售罄,买不到票的fans亦买了接着的场次捧场。Jay得知后,约埋女主角、戏中女友「悦娜」卢慧敏(Amy)连走两场谢票,全场惊喜。有fans入戏太深叫Jay「俊文BB」,Amy赞他戏内戏外都是天使。Jay更鼓励Amy出道做歌手,扬言会全力支持!
Jay新专辑《EMO》推出在即,工作繁忙,早上出席公开活动后立即飞车到戏院,部份fans跟住赶到,当他们拉起印了Jay靓仔样的横额准备大合照时,Jay与Amy突然现身,全场惊喜尖叫。Jay好感动:「好sweet,有啲fans仲睇咗几次添,我非常感恩,多谢!」他坦言睇《得宠先生》眼湿湿,说:「你哋要准备纸巾,呢部电影包含好多讯息,会有好多感受、好多嘢袋落袋,希望大家睇完分享畀其他朋友,因为用咗好多人心血和心机去拍!」
Amy表示最初得知与Jay合作拍戏好开心,她说:「因为我另一边系旦哥(郑丹瑞)会有压力,旦哥好nice,但佢个角色唔系。而Jay就好似『天使般存在』,虽然戏中有啲脾气,但真人系天使,好sweet,相对无乜压力。」她更爆料:「拍戏休息时候,喺化妆间我只系透露咗少少对唱歌嘅兴趣,Jay就好鼓励我,有一刻令我觉得真系要试吓、谂吓喎!」在旁的Jay立即说:「做歌啦,快啲出歌啦,我哋全公司都支持你㗎!」
Jay透露与Amy拍摄《得宠先生》最难忘一场「激情」戏,他说:「有一场追『烧腩』嘅戏,我揸车,嗰段戏好激情,好刺激!」Amy说:「我哋追住『烧腩』,『烧腩』追住坐喺小巴嘅『佳叔』(旦哥饰),你同我讲话好大压力!」Jay说:「我真系好大压力,我有车牌但喺香港好少揸车,仲要载住Amy,有咩事唔知点算!」Amy续说:「我谂你当时喺倒后镜睇真系好惊,因为你一边开车,我就伸咗半个身出窗外想捉住『烧腩』,收音师匿喺车厢后座拉住我条裤,怕我跌出车,我身上绑咗埝做晒保护。团队砌咗一架假车和假狗,用路轨畀我试咗好多次,练咗好多次啲动作,所以好安全,而且Jay系安全司机,所以我好放心!」Jay笑言:「我第一次拍戏就拍咁刺激嘅场面,我谂我都几大胆!」