寰亞跳唱歌手ANSONBEAN 昨日（28/8）推出處男大碟《ONE DANCE》，中午他到唱片店買第一張碟，取其好意頭。晚上在中環舉行發佈會，外婆、父母、胞弟、女友Jamie（張天穎）、好友黃淑蔓（Feanna）、劉沛蘅（Hillary）以及一眾藝人好友、舊同學，連中學老師都來支持，還有熱情的「豆粉」（ANSONBEAN歌迷暱稱）歡呼打氣，場面非常熱鬧。
發布會在戶外舉行，雖然天文台曾發出黃雨警告，但活動正式開始時天公造美，順利圓滿成功。ANSONBEAN落力表演，一口氣演唱碟內四首點題作品：《RISE》、《ONE DANCE》、《IMPATIENT》和《GET WILD》，即使地下有水氹亦瞓身跳唱，在場嘉賓熱情尖叫回應，非常盡興。之後，他逐一與嘉賓合照、簽名留念，其中有幾位「豆粉」見到ANSONBEAN時開心落淚，他們異口同聲表示當他兒子一樣關愛，終於推出第一張唱片，替他高興。而ANSONBEAN聞言好感動，加上見到他們冒雨舉燈牌捧場，他都感動眼紅紅。
ANSONBEAN接受訪問時說：「我參加『造星』、簽公司，一直嘅焦點都係做音樂、舞台表演、拍戲、拍電視劇，唔記得仲有出唱片，今日喺唱片店見到自己嘅唱片，感覺好神奇。今日出碟和發布會，我好緊張，噚晚仲發惡夢，今日終於順利完成，好開心。非常多謝所有人嚟支持我嘅屋企人、朋友、同事、同學，幫我一齊完成呢隻唱片嘅台前幕後朋友，喺台上太興奮可能講漏咗，我會逐一私下再多謝佢哋。」對於唱片封半裸大騷肌肉，ANSONBEAN笑言爸爸覺得好似「軟硬天師」當年半裸大碟封面，他揚言：「絕對可以去盡啲，因為想呼應歌詞。（去盡尺度幾多？全裸？）其實最緊要係睇劇本！」
出道3年才出首張專輯，ANSONBEAN稱其實去年已儲夠歌，債他不想出雜錦碟，希望找到一個清晰方向和主題。這次專輯主題是關於愛情和成長，代表着自己這幾年來的想法，想將新碟的歌曲送給自己所愛、關心的人、粉絲和自己。他表示出碟即親自買了3張碟，問到為何會買3張碟？ANSONBEAN說：「因為今次唱片主題是火，三是與火有關的數字，我個名（陳毅燊）又係有三個火字。」他又指今次為了拍唱片封面及拍MV而地獄式操肌，飲食節制，不吃煎炸食物一粒鹽也不吃，最後拍攝出滿分十分的照片作為自己的成人禮。他坦言中學時期非常瘦削，對自己身形沒有自信，所以今次做Gym是一個訓練，練好身型去影唱片封面及拍MV，是證明自己絕對是「得」。
