MEDIA ASIA

News

Music

被騙上遊艇 欣宜海中驚喜大叫 見郵輪船身應援 忍淚:好crazy!

鄭欣宜(Joyce)今年在樂壇成績非常出眾,勤力是有回報,日前所屬寰亞唱片公司、商台903和郵輪公司合力送給她一份神秘禮物,騙她上遊艇出海拍宣傳片,結果她在維港夜色下,看見郵輪船身打著「PRINCE JOYCE OH MY GOODESS」,她非常驚喜,不停大叫:「真架?好癲呀!點解嘅?」

 

黃昏時候,Joyce打扮得靚靚,由唱片公司同事陪伴,登上遊艇並駛出維港,沿途看著日落,心情大好,輕輕鬆鬆與工作人員有說有笑,期間多次想用手機自拍都被人拉開話題轉移視線,直到天黑了,遊艇停在海中,商台DJ梁文禮與拍攝隊要求她蒙著眼睛到船頭位置拍攝,她不虞有詐,以為是為觀眾凝造緊張效果,其實她才是被驚喜的女主角。拉開眼罩一刻,梁文禮對她說:「今晚係屬於你架啦!」Joyce看見巨型郵輪船上閃著的字幕,逐個字慢慢讀出:「PRINCE JOYCE OH MY GOODESS」然後瞪大眼睛:「What?!」不斷重復問:「真架?好癲呀!好crazy!點解呀?點解咁嘅?多謝大家。」她努力地冷靜情緒,說:「好唔真實呀!Sorry,我唔識畀反應,好癲呀!咁浮誇嘅,切個蛋糕仔我已經好開心,So Cute!多謝!好靚呀!」

 

趁拍攝隊轉機位時,Joyce用手機自拍留念,工作人員透露因為已有Fans發現郵輪字幕,所以一直禁止她用手機,以免計劃太早曝光。Joyce不斷回頭確認郵輪的閃燈,說:「今年好奇怪,好多事情發生都令我唔識畀反應。以前我未試過喺巨型電視屏幕出現 ,又無試過有幾層樓高嘅大型廣告見到自己個樣。例如Anson Lo(盧瀚霆)有咁嘅燈好合理,但我喎?我好感恩,其實呢啲事好唔正常,一個人得到咁多愛同埋支持,係唔平常,我真係唔識反應,對我嚟講太唔真實啦!好開心呀!」回頭呆望幾秒後,她強忍眼淚,說:「我唔想喊呀,好唔想喊,因為係開心事!我無喊,Hold到!」並表示會珍惜每位愛錫她的人。

Music

鄭欣宜新碟未夠一周賣斷市 馮允謙讚歌曲Yummy

More

欣宜新碟「屋頂」影相一步一驚心 感恩公司寵愛 可無後顧大膽嘗試

More

馮允謙首次簽唱會雙喜臨門 宣布明年處男個唱挑戰四面台

More

馮允謙鬼屋拍唱片封面 自嘆細膽 一步一驚心

More

C AllStar 與 Nowhere Boys 玩Live互送高帽

More

與馮允謙拍MV心心眼 高妹Mandy為談情棄穿高踭鞋

More

C AllStar最终章MV食西北风 大帽山露营 共同望银河那时

More

C AllStar三喜臨門 打入最喜愛8強 拍攝封面禁廁8小時可樂洗頭叫爽

More

ANSONBEAN 生日出專屬蛋糕 加碼送禮 與豆粉有福同享

More

Nowhere Boys開騷嘉賓全男神級 Van與Joey Tang同台慶生驚喜到喊

More

ANSONBEAN孭麗英跑沙灘追日落 合唱版MV甜到漏 JayFung派彩蛋

More

Sammi 生日

More

黎曉陽新歌MV「自由泳」

More

鄧小巧新歌《心靈作家》MV拍攝花絮

More

黃淑蔓《那一年零一個月》MV

More

鄧小巧新碟封面發新聞稿

More