MEDIA ASIA

新聞

音樂

欣宜新碟「屋頂」影相一步一驚心 感恩公司寵愛 可無後顧大膽嘗試

出爐「勁爆女歌手」鄭欣宜(Joyce),相隔五年,昨日(28日)推出全新專輯《JOYCE TO THE WORLD》,她心情興奮又感動,第一時間到旺角唱片店親買唱片「攞頭彩」並充當店員,Fans見到她都好驚喜。而早前拍攝唱片封面和相集的照片時,她爬上「兩層」高的道具屋頂上步步驚心,嚇到尖叫,但看到相片非常漂亮時又開心得大笑。人靚衫靚景靚,拍攝順利讓Joyce非常開心,表示加盟寰亞音樂後讓她安心,可以隨心創作,感到被寵愛,一時感觸眼濕濕!

 

「眨吓眼5年無出碟,呢張唱片收錄晒我加入寰亞音樂大家庭後嘅作品,好期待同大家分享,好想話畀鍾意我嘅Fans知道,我繼續有做我好鍾意嘅嘢,我冇放棄,而且有好支持和好懂得欣賞我嘅公司和團隊,佢哋好有耐性咁發掘我唔同嘅可能性,有被寵愛嘅感覺。今日影咗好靚相,每各個場景設計都好靚,所有嘢都好完美,好感恩。」Joyce說。

 

她坦言這五年最大轉變是變得大膽,說:「呢5年我最大改變係大膽地嘗試,好開心遇到好多專業嘅合作單位,除咗音樂創作,仲有攝影師和設計師。以前我係緊張大師,乜都問,每一步每個環節我都要兼顧,好多嘢擔心。但呢間公司令我好放心,我今朝開開心心食個早餐,然後以最靚和最佳狀態到場便可。我好感恩,好多謝大家。(哽咽)點解咁大感觸?點解會咁嘅?我要投訴呀,影得我太靚,點揀?唔使執都咁有腰,離晒大譜!」大情大性的Joyce又喊又笑。

 

這次唱片封面設計選用Joyce最喜愛的風格和顏色,到達拍攝現場看見各個場景,讓她好興奮,神還原她的理想家 。Joyce說:「每個場景設計都好有心思,用咗好多色彩繽紛嘅布置,尤其是屋企門口,用咗我好鍾意嘅粉紅色,我好鍾意色彩繽紛設計。雖然其中一個場景我穿上黑色衫拍照,但加入後期設計就變成Pop Art風格,亦係我好鍾意嘅風格,我屋企都會掛Pop Art。」她表示唱片封面用上個人喜愛的風格,很有專屬感,特別開心。

 

在云云場景設計中,最令Joyce難忘是兩層高的「大廈屋頂」設計,她說:「美術組起咗一幢樓,兩層樓咁高架,除咗我從窗口伸個人出嚟擺甫士,仲要我要爬上屋頂影相,嘩,好驚呀!雖然好安全,但我爬上去嘅時候覺得有啲搖,原來我有少少畏高,工作人員話已經爬上試咗好多次,確保安全,但佢好瘦,我唔係嘛,我仲要喺屋頂趴、瞓、側身躺等擺甫士,總之步步驚心。」其實這間道具屋只有2米高,畏高的她爬梯時感到緊張,尖叫嗌「好驚」,但當她看見相片效果漂亮時即大笑嗌「好靚」,非常搞笑。

音樂

鄭欣宜新碟未夠一周賣斷市 馮允謙讚歌曲Yummy

更多

馮允謙首次簽唱會雙喜臨門 宣布明年處男個唱挑戰四面台

更多

馮允謙鬼屋拍唱片封面 自嘆細膽 一步一驚心

更多

C AllStar 與 Nowhere Boys 玩Live互送高帽

更多

被騙上遊艇 欣宜海中驚喜大叫 見郵輪船身應援 忍淚:好crazy!

更多

與馮允謙拍MV心心眼 高妹Mandy為談情棄穿高踭鞋

更多

C AllStar最終章MV食西北風 大帽山露營 共同望銀河那時

更多

C AllStar三喜臨門 打入最喜愛8強 拍攝封面禁廁8小時可樂洗頭叫爽

更多

ANSONBEAN 生日出專屬蛋糕 加碼送禮 與豆粉有福同享

更多

Nowhere Boys開騷嘉賓全男神級 Van與Joey Tang同台慶生驚喜到喊

更多

ANSONBEAN孭麗英跑沙灘追日落 合唱版MV甜到漏 JayFung派彩蛋

更多

Sammi 生日

更多

黎曉陽新歌MV「自由泳」

更多

鄧小巧新歌《心靈作家》MV拍攝花絮

更多

黃淑蔓《那一年零一個月》MV

更多

鄧小巧新碟封面發新聞稿

更多