恭喜寰亞音樂歌手們在ViuTV第二屆樂壇頒獎禮《CHILL CLUB推介榜 年度推介21/22》滿載而歸，鄭欣宜（Joyce）以84,691票首奪「年度女歌手」金獎、馮允謙獲得「年度唱作歌手」銀獎、C AllStar奪得「年度組合」銀獎和《留下來的人》得「年度十大歌曲」第七位等。而跳跳紮的ANSONBEAN與一眾角逐新人獎的歌手，台上又唱又跳，活力爆燈。
宣布Joyce得獎後，全場歡呼，她領獎在台上說： 「多謝大家投票畀我呢個死中女嘅各位，一路宣布銅獎和銀獎時，以為自己無機會得獎。我覺得自己唔係好潮，但CHILL CLUB係一個好CHILL嘅地方，好多謝呢個平台，讓我平時膽怯唔敢講嘅故事，可以透過音樂喺呢度講畀大家聽。多謝唱片公司MediaAsiaMusic所有同事，呢一年好努力讓更多人認識我嘅音樂。」事後她笑言剛才在台下遲疑了一下，才站起來行上台領獎，因為不敢相信自己攞獎，直到身邊的歌手提醒她才知道，又搞笑又驚喜。
今年6月11及12日，Joyce將於紅館舉行個人演唱會，見她近日身形瘦了不少，她坦言刻意為個唱減肥：「因為我第一次開演唱會好黑仔，跌斷腳，冇得操練同做運動，開騷前得一個月時間鍛煉，其實唔關肥瘦事，係體力問題，所以今次我好努力注意飲食，同埋做大量運動，去打泰拳、請私人健身教練又不斷學跳舞，我唔想再畀身體或者任何事阻礙我，我要發揮得最好，到時要炸爆舞台，跳到甩肺！」對於最近傳出新戀情，Joyce賣關子笑說：「我會用音樂分享秘密，如果大家想知就要嚟睇我個騷。」
