恭喜「唱作王子」馮允謙Jay，十月九至十一日再踏紅館，舉行第三次個人演唱會「AXA安盛呈獻：the SOUNDTRACK of my LIFE 馮允謙演唱會2024」，門票今日（6/8）公開發售，火速售罄。
今日下午Jay現身商台接受鄭裕玲（Do姐）節目《口水多過浪花》的直播訪問，突然工作人員在旁邊的房間，隔著玻璃舉牌示意Jay今日公開發售的演唱會門票全部售罄，Do姐隨即在節目中公告好消息：「哎呀，你個concert sold out啦！恭喜晒你呀！戥你好開心！」Jay開心高呼：「Oh my god！真㗎？多謝！好開心同Do姐你一齊分享呢個moment！」他合十感謝，說：「多謝所有觀眾、多謝我嘅fans，多謝買飛入嚟睇Jay Fung，第三年solo show，我會繼續努力！」
節目結束後，Jay步出直播室，興奮地說：「Oh my god！我好開心，終於今晚有覺好瞓。噚晚瞓得唔係咁好，因為真係諗緊今次個騷要點呢？啲飛賣成點呢？啲人會唔會再睇Jay Fung嘅騷？所以依家係個肯定，多謝你哋，一日就賣晒啲飛，我會努力，希望good show，大家enjoy，我一定會努力，Thank you！」
