「唱作王子」馮允謙（Jay Fung）7月舉行首次個人演唱會「六福珠寶呈獻 馮允謙Have a JAY Time 2022 演唱會」，早前優先訂票火速售罄，反應熱烈，Jay好開心，但同時他透露被親友飛債纏身，非常頭痛。今日有好消息，由於政府公布放寛表演場地入座率，所以Jay個唱將有更多Fans可入場支持，而且大會宣布加推樓座HK$380座位門票，並與HK$680門票於明天（11日）同步公開發售。
今年是Jay出道10周年，他終於夢想成真，7月2至4日假九展StarHall舉行首次個人演唱會，更首度挑戰四面台，令他既緊張又興奮。而大會公布加門票的消息，喜上加喜，Jay說：「係個好好嘅消息，因為有好多朋友和屋企人話好想嚟睇我個騷，但優先訂票賣晒，佢哋買唔到飛。依家增加入座率，多啲人入到場睇我表演，令我更加開心，令全場氣氛更溫暖。」
開騷日期逐漸迫近，Jay透露歌單已準備好，不少重新編曲，所以要努力練歌背歌詞。他說：「仲要排舞、操弗身體、練好把聲，雖然好多嘢要忙，但我好開心，因為真係等咗10年嘅機會，希望大家嚟睇我個騷睇到好High！」為了確保健康開騷，Jay乖乖戒口，他說：「為咗身型效果好，同埋有更好嘅體能應付演唱會，我改變晒啲飲食習慣。平時最鍾意食煎炸嘢、打邊爐、食肥膩嘢，依家統統唔食得。為操肌要食好多蛋白質，食清淡啲。（完騷最想食乜？）我會報復式食嘢，狂食薯條，有間餐廳嘅薯條又甜又辣好正，仲要食幾個漢堡飽。」
演唱會詳情:
「六福珠寶呈獻 馮允謙Have a JAY Time 2022 演唱會」
日期：2022年7月2至4日(星期六/日/一)
時間：晚上8時15分
地點：九龍灣國際展貿中心 – 匯星(Star Hall)
票價：HK$680 / HK$380
主辦機構：寰亞娛樂 / 東亞娛樂
冠名贊助： 六福珠寶
門票將於5月11日（上午10時）起於快達票公開發售 [本演唱會不設售票處售票］
網上購票：www.hkticketing.com
購票熱線：31 288 288
注意事項：所有觀眾入場及觀看演出時必須遵守政府公佈之最新《預防及控制疾病規例》，並配合演出場地的入場安排，否則場地職員有權拒絕違規的觀眾進場，有關演唱會門票費用、客戶服務費及速遞費用，恕不退還。
