香港歌手郑欣宜（Joyce）完成红馆演唱会后，立即投入炮制新歌《GLITTERFALLS》。日前拍摄MV，Joyce以「Hot Pink女神」、「闪石女神」、「罗马女神」、「星空女神」和「战士女神」等造型配合精心设计的场景，与十位由她亲自挑选的舞者合作。她兴奋地笑说：「我从未试过有咁多Dancers一齐拍MV，觉得有少少威呀！」
为配合多角度拍摄，由綵排走位到正式，「战士女神」造型的Joyce与舞者们，虽然连续跳了无数次，但大家的精神状态很好，越跳越起劲，小休时有说有笑。Joyce说：「今次由合作已久嘅Ali排舞，最开心系，自从6月红馆『Between Us演唱会』后，我哋就立即计划今次《GLITTERFALLS》嘅舞蹈，我哋亲自挑选每一位舞者，每位都有个人风格，逐个细看时好正，夹埋一齐整体亦好好睇，令我感到骄傲。每位都可以喺呢只舞尽情发挥，而我自觉喺跳舞方面亦有少少进步。（今次舞步复杂咗好多，练咗好耐？）一齐练就唔系好耐，但我自己喺屋企成日练习，就算出外做其他工作都抽空对镜不断练习。我好锺意啲舞步，好衬首歌。」
Joyce解说新歌歌名《GLITTERFALLS》有「洒金粉」的意思，她说：「我好锺意闪亮亮嘅嘢，例如金粉、珠片、闪石、闪粉，感觉好似Magic（魔法）。我希望藉着呢首歌，提醒大家拥抱属于自己独有嘅Magic。多谢陈咏谦为呢首歌填上好美丽嘅词，好贴近我脑海中呢首歌想表达嘅意思。」
除了歌曲、词和舞蹈令Joyce满意，她在MV的多款造型和场景，都令她非常兴奋，她笑说：「我都唔明点解可以喺短短十几小时转咗咁多造型和场景？今日真系好多靓衫，依家我身上呢件Hot Pink（亮粉红）系我非常喜爱嘅颜色。而另一款黑色衫裤，全身贴满闪石，就连头饰都系闪亮亮，仲有件披肩，感觉好似Super Hero，而全个布景都系毛毛，好特別。仲有一个场景楼底特別矮，营造迫爆出嚟嘅感觉，有少少罗马女神感觉，配埋我金色look，四位女Dancers就白色Look，整体感觉好高贵！」
