早前Jay Fung冯允谦推出新歌《Jay Fung仪态训练学院》，身为歌曲的填词人Wyman黄伟文，坦言在谱写歌词时，脑内想到有两个不同演绎方法，一，歇斯底里式怒火大爆炸，二，camp精式姣尸炖笃版，最终，Jay Fung选择了前者，最近还发掘出第三个版本，就是a cappella version，更邀请了合共有十位成员的The Kickvoxers一起参与。
「今次好幸运，就系同一队a cappella group合作，组合名字叫做The Kickvoxers，佢哋其中一位成员Guddy，佢系我唱歌老师，佢帮咗我好多，由我两年前第一次喺九展开演唱会，到旧年去红馆开show，我好需要vocal stamina（声韵耐力），去令自己把声更强，佢真系帮咗我好多。」
至于为何会有这个版本的构思，Jay Fung解释：「其实谂咗好耐，想做一个新版本，但又谂唔到点去玩，最终我同我A&R同事Viki Chan一倾嘅时候就谂到不如试吓a capella，因为我比较少接触呢个范畴，所以今次系一个好大嘅突破。」
当日拍摄《Jay Fung仪态训练学院》的a cappella version，在尖沙咀1881取境，现场的陈设走欧陆怀旧风，墙上挂满多幅油画，场景与《Jay Fung仪态训练学院》MV非常类近，有一种互相唿应的感觉，但Jay Fung说，在歌曲的演绎方法上，却大有不同。
「其实两个版本我嘅唱法系有分別，唔知大家有没留意，原装版会比较愤怒、激情，但今次a cappella version，因为要配合大家把声，所以呢个版本会收埋啲，会cool少少，所以头先拍MV嘅时候都比较cool。但最搞笑系，我记得我喺录音室录呢只歌嘅时候，有一个习惯，我对手会不期然有好多好夸张嘅手部动作，但原来喺镜头面前做呢啲动作，会好奇怪，所以刚才唱嘅时候，双手好想郁，但又要压制住自己，最终拍咗四、五个take，自己都好满意，希望大家都锺意呢个版本。」
问到Jay Fung有沒有考虑试玩a cappella，打算跟谁合作？他想了一想说：「我都想尝试玩吓a cappella，其实上年十二月，我同另一队a cappella group有合作过，当然我嘅负担没咁重，因为都系专注我主音嘅部份，和音嘅工作交番俾佢哋，所以我都想尝试，唔知有没机会，试吓唔唱主音，做吓啲beatbox，虽然我完全唔识，但我听讲钊峰识beatbox，可以搵佢一齐合作吓！」
