跳唱歌手ANSONBEAN在新歌《ONE DANCE》MV展示一身弗爆肌肉，为保持最佳状态，拍摄现场变流动健身室，教练David不但控制他饮食，还带住健身器材贴身鞭策他。每当导演嗌cut机，即使只有几分钟，都要他做掌上压、sit-up、拉橡皮筋等动作谷肌，ANSONBEAN六旧腹肌可谓「粒粒皆辛苦」。
新歌《ONE DANCE》由ANSONBEAN与女友Jaime联手作曲、陈咏谦填词、TonYnoT编曲及周锡汉监制。「呢首歌纪录我成长过程，其实我好多时候都好困惑、好迷失，唔知点样对待音乐、Fans、屋企人、身边人，因为好多嘢都系好新嘅经歷，唔系好识处理。」ANSONBEAN希望找到方法做得更好，新歌就似是在道歉，他说：「希望大家可以原谅我、畀机会我，去接受一个新嘅我！」
因此《ONE DANCE》MV中，出现他过往MV片段，他就以长矛击破，而赤膊上阵，寓如他赤裸地展示个人感受。ANSONBEAN说：「唔系因为要拍MV、出碟、有project先至去做健身，其实更早之前，我就好想今年要练好身材，尽量食好啲、操练多啲。而为咗呢个MV，两星期前认真地戒食淀粉质，五日前开始控制水份吸收。无水饮真系好痛苦，所以要珍惜食水！」
「因为食外卖好难跟到我嘅餐单，最近我开始自己煮嘢食，第一次煮嘅时候喺IG开直播，煮到好核突、好恐怖。第二日就问工人姐姐点煮，佢教咗我一啲方法煎鸡，问女友点样爆蒜头，仲有问妈咪、上网查、fans留言教我，然后我买咗啲工具帮手，容易咗好多。」ANSONBEAN手舞足蹈，似乎烹饪已成为他的新兴趣。
除了一身养眼肌肉，ANSONBEAN在妆容亦花了小心思，他说：「由于今次唱片主题是『火』，MV导演William想唿应返，所以要有『晒燶咗』效果，面红红和雀斑。另外邀请咗Masa做Movement Director，除咗跳舞，仲根据歌词微调动作。希望每件事都再做好啲啲，多谢台前幕后一齐砌靓个MV。」
