陈健安(安仔)今日推出第四张个人专辑「PROJECT REJECT」,以「拒绝」为主题。他坦言作为艺人和家中孻仔,自小习惯跟着前人步伐,不懂得说「不」,渐渐失去自我,近年学习诚实地面对自己的喜恶,跟別人坦白感受。而唱片包装设计亦非常有心思,用撕开方式打开才可取得CD,寓意打破既有框框。
「今次嘅课题系点样面对『唔啱听』或者『反对』嘅声音,学习拒绝。以前我都系嗰种唔容易开口say NO嘅人,慢慢唔知道自己嘅喜恶,直至近年,工作或做人开始识得去选择,亦学识话俾身边嘅人知道,我其实唔喜欢乜嘢。对自己又好,对身边人又好,都系好重要嘅坦白,系成长嘅阶段。」安仔坦言以前很想取悦世界,尤其是他是家中孻仔,很多事情都要跟着哥哥或家姐的选择去生活,直至近年他自己做音乐和生活,跟別人合作得多,体会坦白的好处。
安仔说:「要多谢容祖儿,因为之前喺网上睇到一条片,佢讲咗一句『唔可以』启发咗我,要好多勇气,呢件事埋咗喺我心内面。我觉得做艺人唔容易say No,好似所有事都『好,无问题』、『我做到嘅』,但事实上唔系,慢慢会无咗自己。于是我从《唔明你讲乜》开始,决定全张专辑嘅主题:如何好好地say No?如何坦白地做自己?」
造型师Herman与安仔再度合作,他将歌曲的精髓加入服饰,有鸳鸯鞋、药水胶布手袖和贴满封箱胶纸的裤等。安仔说:「好多部份都系Herman创作和人手造,独一无二。我着晒六首歌上身,《唔明你讲乜》、《恋爱脑之死》、《我很不爱你》、《心里尚有象牙白》、《当我们返回现世》和《我违和但我不纠正》,我唔会讲边度代表边首歌,大家感受吓啦!」
此外,安仔还邀请了插画师Pen So参与,将六首歌曲的元素透过插画渗透于专辑内,安仔说:「刚才听Pen So讲解,佢用心嘅程度实在令我太惊喜。」创作总监Oscar与安仔合作无间,安仔扬言:「Oscar对我say No多啲,有时我对一首歌有好多唔同嘅谂法,佢会帮我筛选,No呢个No嗰个,剩低最适合嘅。而我从来都无改过佢嘅歌词,佢好明白我嘅谂法,合作愉快!