「唱作王子」冯允谦（Jay Fung）日前拍摄新歌《收到收到》MV，邀请了有份与他一起作曲的Gareth Chan陈考威女朋友Yanny，担任MV女主角。作为《报復式浪漫》之后另一首冧爆情歌，MV画面同样甜到漏，饰演一百分女友的Yanny，会为只顾创作音乐将所有事情抛诸脑后的Jay Fung，安排好生活日常所需，甚至在家中每个角落贴上memo纸，提醒另一半饮水、食饭。Jay Fung坦言，每个男仔其实好清楚另一半对自己有几好，《收到收到》这首歌，正好用来送给所有女朋友，多谢她们对另一半无条件的付出。
由Jay Fung与Gareth Chan一起作曲及监制、锺雪填词、Derrick Sepnio与苏道哲负责编曲的新作《收到收到》，Jay Fung形容这是一首口语化、容易入心的冧歌，他说：「《收到收到》系《报復式浪漫》之后其中一首好sweet嘅情歌，其实我好多歌都好sweet嘅，但呢首就直接啲、易明啲、好口语化、歌词快啲到心，首歌系代男仔多谢另一半去push自己成为一个 better person。」
MV内容以情侣间生活细节为主，Jay Fung饰演的角色，与普天下男士一样，都是大头虾一族，例如去完厕所没沖厕、用完厕纸未有更换、经常因为工作忘记吃饭、饮水，贴心的女友Yanny，于是将memo纸贴满家中每一个角落作提示，处处为男友着想。但最搞笑是不懂看中文的Jay Fung，导演要他拿着memo纸露出感恩女友关心的笑容，难免要旁边的工作人员翻译，好让Jay Fung入戏。
「好多情侣，拍咗拖一段时间，可能会有啲拗撬，埋怨另一半叫你去打扫、洗碗、吸尘，甚至催促男朋友几时求婚？几时结婚呀？其实有咩唔好，女仔想结婚就系想同对方一生一世，that so sweet，男仔有时会misunderstand或者唔了解，呢首歌系话俾女仔知，其实男仔心里面系知道，你做咁多嘢系为咗我哋好，多谢你哋。」Jay Fung说。
其中一个镜头，讲两小口刚起床摺衫，Jay Fung发现自己对袜穿了一个大窿，于是穿上脚，露出一截脚趾公，逼Yanny闻他的烂袜脚，但怕丑的Jay Fung一直表现尴尴尬尬，原来他担心伸脚期间会弄伤对方，最后要Yanny讲到出口「唔怕啦！你对埋啲落我块面。」最后才成功拍摄出这个既搞笑又甜蜜的画面。
「其实今日好多谢Yanny做我MV女主角，今日拍嘅嘢都好顺利、好自然，一来Yanny系一个好easy going（随和）嘅女仔，二来今次呢首歌同我一齐作曲、监制嘅Gareth Chan系佢男朋友，所以佢好早之前已经听过呢首歌，佢都好锺意。」
虽然MV内充斥甜蜜画面，但尾段讲述Jay Fung因埋首作歌，未有理会女友传来的短讯，与此同时，Yanny在用来观察猫猫的闭路电视内，看到男友家中冒出浓烟，吓得她在街上飚泪狂奔，担心Jay Fung生命安全，最后当然是虚惊一场，无非想带出女友无条件的爱。
问Jay Fung与女友间，有沒有因为生活琐碎事情发生拗撬，他坦言：「都有，例如女朋友煮完饭，想我即刻洗碗，但我想睇一阵电视先，但佢会觉得洗咗碗之后可以咩都唔使理，安心睇电视，其实佢咁做，都系为咗我好，而《收到收到》呢首歌，就系想带出呢个信息，希望大家都锺意呢首歌。」
