云浩影(Cloud)新歌《慢性分手》MV由去年金像奖最佳剪接李谦明执导,更邀请港台两地炙手可热的刘俊谦担任男主角,故事以一张梳化见证他们由热恋到分手。最初他们开展同居生活,合力将梳化搬入屋,非常合拍,刘俊谦躺在Cloud大髀上的枕头温馨细语、拖手仔一齐听音乐、在露台打情骂俏、互相偷拍对方生活照等,四周瀰漫着浪漫气氛。之后感情转淡,甚至决定分手,火烧梳化以结束关系,他们看着爱情灰飞烟灭,Cloud心痛得泣不成声。
他们合力将象徵爱情的梳化搬走,路上明显非常不协调,一个快一个慢,一个行一个停,甚至轮流发脾气。但最后看着火光,爱情化为灰烬,他们都非常伤心。刘俊谦说:「呢对情侣要结束关系,梳化似系一个比喻,将大家嘅东西拖去烧咗佢,一齐搬,好辛苦、好吃力,有一方继续想搬,有一方好攰唔想搬,拖拖拉拉,比喻情侣难免步入呢个关系。」Cloud说:「梳化喺呢个MV好有象徵意义嘅角色,两个人搬入新居时倾吓张梳化摆喺边,然后喺梳化上发生好多甜蜜温馨嘅回忆,到最尾决定用唔到要丢咗佢,都象徵一段关系唔同嘅阶段。搬梳化嘅过程会见到男女双方步伐不一致、斗气、互相不体谅等状况。」
虽然MV结局非常伤感,但Cloud被型男刘俊谦的笑话凼得笑逐颜开,她说:「《慢性分手》呢首歌讲述一对长期恋爱嘅男女,关系慢慢走到结束,比较伤感嘅MV,但因为有刘俊谦参与就变得唔系咁伤感。」点解呢?刘俊谦笑说:「本身我同Cloud唔系好熟,拍摄时谂住打开话匣子,讲咗好多唔系几好笑嘅笑话⋯⋯」Cloud立即安慰说:「其实都几好笑嘅,大家都笑得出,同事仲叫我做好表情管理添!」续说:「阿谦好Nice好亲切,最初我有少少紧张同埋怕羞,但佢好主动令到气氛都没咁尴尬,所以拍摄顺利。」
令Cloud最开心,相信是刘俊谦踢爆父母是「迷云党」(Cloud歌迷暱称),他说:「我爸爸妈妈好锺意佢,当年歌唱比赛嘅时候,我哋全家人一齐睇佢唱歌。」Cloud受宠若惊,连声多谢。他说:「我好耐没喺香港拍MV,好荣幸可以参与拍摄,我自己都几欣赏Cloud,佢把声有种清泉嘅感觉,当时歌唱比赛听已经觉得呢个女仔系清泉。」被当面称赞,Cloud坦言尴尬。「刘俊谦好绅士、好体贴、好靓仔,拍摄时我都忍唔住同佢讲:你真系好靓仔!不过,大家有无留意其实佢把声好好听呀!」
之前Cloud《回忆半分钟》MV邀请日本靓仔合作,今次《慢性分手》MV有香港靓仔刘俊谦,下次Cloud想与哪个地方的靓仔合作MV呢?她想了一想,说:「法国,其实想同法国靓仔合作之外,最想去法国拍好浪漫嘅MV,话唔定会有啲犀利嘅嘢出现。」