云浩影（Cloud）日前拍摄新歌《无以名状的痛》MV，无论歌词和MV故事都是她的自身经歷。Cloud坦言年初获新人奖后，感到很大压力，踏入迷惘期。
她说：「今次新歌和MV都系我嘅经歷，系我一段唔开心嘅时候。年初攞完新人奖，过咗新人年，自己唔系好知点样应对未知嘅将来，所以有呢首歌《无以名状的痛》。好想藉住呢首歌话畀大家知，如果你有呢啲状态，唔使怪责自己，因为好正常嘅，我都同你一齐去面对。今次第一次同麦曦茵导演合作，之前比赛节目嘅时候见过面，我好欣赏佢嘅作品，包括电影和MV。今次新歌由Vicky（冯颖琪）作曲，我参加比赛时选唱过佢嘅作品《彳亍》；填词系Oscar，佢用咗啲好锥心嘅词。编曲阿道（苏道哲），亦系我第一歌《愿望之翼》嘅监制，今次佢同Vicky一齐监制呢首歌。」
对于女明星，出水芙蓉、刮痧、嚎哭、躺平高拍等拍摄手法都是天敌，Cloud在MV中完美演绎，展现「零死角」魅力。她说：「最难忘系刮痧，因为请咗一位真正刮痧师傅，导演唔想佢真系刮到我背嵴红晒，因为之后仲有镜头，要求佢『扮』，唔好刮出痧。咁样对于专业师傅嚟讲系好大挑战，结果都刮出少少痧，红咗少少。一开始师傅话无油刮唔郁，反而会弄伤皮肤，于是加咗少少BB油。一有油佢就控制唔到，起势刮，结果出咗少少痧。」言而只是红了一小片，很快就退色，顺利继续拍摄。Cloud说：「其实我都有得着，佢教咗我一啲刮痧知识，例如咩颜色代表身体咩体质，获益良多。」
而浸浴、出水芙蓉和嚎哭戏，Cloud花最多时间拍摄。她说：「浸水戏有热水，衣服透视程度亦刚刚好，效果好唯美。事前我低估咗浴缸戏嘅难度，平时镜头前见人哋上水戏好靓。当日第一场就拍浸浴，一落水个鼻就入晒水，好似游水浊衬咁，好几次我真系浊衬，来回拍咗几次之后，我个头晕晕地。」
之前Cloud在《密切接触者》MV演过喊戏，但今次拍摄《无以名状的痛》是不一样的哭，而且亦较多层次，但她非常专业，眼泪一call即到。她说：「对演喊戏无乜心得，拍之前无幻想要喊咁多次，最初以为只有一场喊戏，喊完嗰take 过咗就过咗，点知今次每个场口都喊，唔系喊得好劲嗰种，但keep住抑郁状态，默默落泪，有难度。担心喺麦导面前失礼，希望出嚟效果靓啦！」此外，摄MV当日适逢Cloud即将生日，工作人员为她准备蛋糕惊喜和唱生日歌庆祝，而她就万岁下午茶给台前幕后打气，皆大欢喜。
