乐队Nowhere Boys最近邀请「寰亚孻女」黄淑蔓（Feanna）合作，重新灌录Feanna新歌《I am All Alone》。主音Van表示歌曲的原版有较多后期音效，为了让乐迷原汁原味细听Feanna的靓声，决定录制Live Band版本。感冒初癒的Feanna录音前大叫紧张，不过她状态大勇一Take完成，Nowhere Boy对她有赞无弹，更大赞她是少数做到一Take零瑕疵的歌手！
《I am All Alone》是微电影《I am Not Alone》的主题曲，主音Van透露歌曲一推出已即时收听，觉得很好听之余亦希望有机会与Feanna合作。他说：「听完嗰刻就谂会唔会有机会同Feanna玩呢首歌，本身嗰个版本比较电音少少，Vocal都好多Auto-Tune。我觉得咁靓嘅声要有一个Live版本，无Effect遮咗你把靓声，好开心今日有机会做到呢个Live。」
感冒初癒的Feanna坦言录音前很紧张，但状态大勇的她一Take完成，Van大赞Feanna说：「病打咗折扣都咁嘅Level，你话佢Full Power系点？好少歌手系做到一Take无瑕疵！」键琴及小提琴手渔佬突加一句：「你（Van）陪佢做到呀！」Van回应：「你知唔知啱啱好大压力㗎？练咗几耐呀啲和音。」渔佬点头笑说：「我知呀。」Van续指：「本身谂住返去剪下、补下Take，但唔使，直接Mix得出街。」
渔佬表示想为Feanna写歌，获对方一口答应。当Van问Feanna，公司是否准许她做「Rock妹」时，结他手Ken抢答说：「畀，乜都得。」Feanna笑言：「我觉得应该系得。」他们随即讨论MV情节，Van提议渔佬做《一拳超人》的埼玉，渔佬笑说：「做钟楼驼侠救美女。」Feanna提出Nowhere Boys五位成员一同做男主角，Van惊讶指：「吓，你个MV会好混乱。」渔佬说：「唔系五个争一个，系五个养一个，一个女有五爸爸。」Feanna拍手兴奋说：「五个爸爸的小孩，歌名已经决定好，Rock嘅」，全场爆笑。
谈到为Feanna写歌的酬劳，渔佬从衫袋拿出一樽止咳丸，他说：「头先我咳到停唔到，Feanna畀咗粒我食即刻无事。」Van就：「听讲好难食。」亲身品嚐过的鼓手Nate形容是「顶唔顺嘅味道」，但渔佬却开声指觉得味道不错，身旁的Van突然掩鼻高唿：「我闻到你个味，好臭呀！行开啲！」场面搞笑。Feanna形容止咳丸就像一碗中药的浓缩版，她说：「我都好唔锺意食难食、苦嘅嘢，但佢真系好Work。」
