「唱作王子」冯允谦（Jay Fung）推出英文情歌《She Don’t Love Me Anymore》，亲自作曲填词并与周锡汉联手监制。Jay坦言新歌对自己来说非常有意义，歌名亦表明一切。MV採用一镜到底方式拍摄，清晨五时开拍以捕足唯美曙光，期间Jay险被植物绊倒，他顺势自转一圈稳住脚步，展现超强执生能力！
MV由吴咏琪导演执导，Jay在草地上自弹自唱，再带着结他步行到沙滩，期间遇上牛群以及前来滑浪和放狗的人，由于採用一镜到底，团队每次需待人群散去才能继续拍摄。Jay说：「入行到而家都好少用一Take模式拍MV，好特別都好快拍完，不过都拍咗10几个Takes，因为每一Take都有嘢要调节。估唔到7点已经好多人喺海滩、有好多牛、又有狗仔，又要捕捉个天色，想有太阳又唔想太光，因为想Moody啲Match返首歌。」
拍摄期间，Jay险被地上的植物绊倒，他立即执生自转一圈稳住脚步，丝毫沒有露出不安表情，获团队大赞转得自然。他笑说：「我平衡唔系咁好，就嚟仆嘅时候好自然转咗一圈。我以为会有啲奇怪，但睇返觉得个转都几好睇，跟住下一Take再做返个转，有啲嘢就系唔觉意撞出嚟，觉得啱就用。」
比起平日官仔骨骨的王子形象，Jay罕以鬚根颓废造型示人，更贴近MV的悲情氛围。他说：「本身没谂住留鬚，但呢首歌比较Sad，颓废啲嘅造型好适合今次MV。唔系工作嘅时候我都唔锺意剃鬚，亦有谂过留鬚，如果你哋觉得好睇记得讲，咁我就可以留多啲鬚。」
Jay透露今年计划推出不同语言的歌曲，率先推出英文歌《She Don’t Love Me Anymore》。他说：「英文歌会继续写，如果大家觉得只歌好听就Share多啲、听多啲，咁我就有多啲机会出唔同语言嘅歌。」
