「寰亚孻女」黄淑蔓（Feanna）今年第一首派台作品《留在你在我在的脑海》，MV昨晚上架，相隔大半年再出solo歌，心情紧张又兴奋。「翻版陈柏霖」王耀宏（Meaning）担任MV男主角，二人海量甜蜜温馨场面，加上即兴除衫半裸演床戏，令Feanna害羞脸红，笑言：「好少机会遇到比我年轻嘅男仔合作，原来风景咁美好，以后拍MV都要搵靓仔做男主角！」
新歌《留在你在我在的脑海》由Jaime Cheung作曲、王乐仪填词、波多野裕介编曲、舒文监制。Feanna说：「好开心，我终于出新歌啦！今次系一首好痛嘅歌，唔系失恋歌，系讲一段toxic relationships之中不断拉锯。好有张力，系我认为自己比较擅长嘅曲风。MV导演系Sheng Wong，佢嘅概念好好，拍得好好。」
Feanna说：「虽然呢首系唔开心嘅歌，但MV就掺杂咗一啲甜蜜情节、好多亲密接触，公器私用吓啰！」二人笑言担心被对方fans妒忌。Feanna透露原本有kiss镜头，她说：「拍摄前有倾过会唔会kiss？最后大家决定视乎现场气氛。今朝喺山坡上嗰场戏，我哋头贴头、鼻贴鼻，当时嘅气氛我以为会咀落去，但当导演叫我望住Meaning嘅时候，原来两个人贴到咁埋，擘大眼见到对方个样好好笑，好似青蛙！」气氛破灭，kiss镜头告吹。
虽然沒有Kiss戏，但有床戏。Meaning爆料指Feanna加戏，令他半裸上阵，他说：「原本拣好套衫，着咗发现唔啱数⋯⋯」Feanna连声否认：「唔系我！（副导演？）呢度都多女仔，副导演都系女仔，有个咁嘅『美色』喺度，又好难抗拒！」其实原定床戏Meaning露肩膀，埋位发现除去上衣效果更好，他爽快答应，Feanna目不斜视并用被子替他遮掩。
今次MV电影感十足，故事负伤的Meaning逃避追杀，邂逅活泼可爱的士多店员Feanna后，展开一场欲断难断的虐恋。除了床戏，还有剃鬚、睇星星、拖手、跑草原和淋雨等浪漫场面，亦有吵架、摔东西、放火、开枪和追杀等刺激场面。Feanna说：「我有啲惊演情绪极端嘅戏份，拍摄前我同Meaning跟邵美君老师上acting class，邵老师好劲，将我哋内在情绪掏晒出嚟！」她又透露私下十分害羞，抗拒与异性有肢体接触，私人健身教练亦是女性，所以今次MV中与Meaning演情侣，大量亲密场面，她花了不少时间适应。
