期待一年，「唱作王子」冯允谦（Jay）全新唱片《IN GOOD TIME》今天（18日）面世，今年Jay推出五首派台作品，每一首歌都成功登上不同流行榜冠军位置，其中冧爆情歌《收到收到》更获「大满贯」，成为五台冠军歌，大受欢迎。新碟除了收录这五首主打歌，还有两首从未曝光的新歌，让购买唱片的歌迷惊喜。
Jay的新碟有好歌亦有靓相，今次他再度邀请Kenji Wong担任设计总监，加上合作无间的摄影师Tsz，以「时间」为新碟的设计概念，拍摄封面及相集。Jay说：「今年EP企划《IN GOOD TIME》，如果要翻译成中文意思系好时辰，以一个时钟嘅概念影呢辑相。刚才影相嘅时候有好多人喺度行嚟行去，但我企喺度，望住镜头好坚定咁。我对人生outlook，好多时都会跟返自己嘅节奏。呢点好重要，我觉得每个人跟返自己嘅步伐，唔好跟人哋嘅脚步。头先好得意，啲人行嚟行去，但我就叫自己唔好郁呀！唔好眨眼呀！影出嚟辑相好满意，好靓。」
今年，Jay在工作上经歷多个「第一次」，他说：「今年我嘅人生发生咗好多事，人生好得意，所有嘢都系『Happen in the right place at the right time』，有啲嘢唔可以刻意，有时真系啱嘅时间就会发生，例如喺红馆开个人演唱会、第一次返加拿大表演、做人哋嘅导师，系啰JayFung做导师，Crazy！真系好多嘢发生，净系拣一项对我最深刻？真系拣唔到，红馆系一个好大嘅目标，等咗十一年喎，但其他事都好重要，带畀我好多回忆。我真系好想讲，全部都系好时辰Good Timing，所以造呢只碟，好期待，等咗十一年终于做到好多嘢，好难得，好想同大家分享。」新碟于圣诞节期间推出，Jay特別兴奋，他说：「圣诞节系我全年最喜爱嘅节日，会同家人一齐，同埋充满工作，而我最锺意工作可以见到好多Fans，圣诞特別多表演就会见到大家。呢个时候出碟亦系最开心，因为系一年嘅总结可以同大家分享，系一份圣诞礼物。」
至于每一天的「Good Time」，Jay说：「每天嘅早上，我会早起身去做运动，郁吓，然后去Salon（髮型屋），去到第一件事系食早餐，期间同团队倾吓偈，虽然有时佢哋觉得我好烦，但我知道佢哋好爱我。呢个时间好宝贵，大家嘻嘻哈哈，Team Building（团队建立）好重要，大家好似family。所以每日工作之前，做运动、食早餐、同团队一齐倾偈、化妆get ready，我最开心。」
