云浩影（Cloud）新碟《INTRODUCTION to PAIN》明日（3月28日）面世，昨日「KKBox抢先厅」为新碟开箱，Fans买飞入场率先获得新碟兼欣赏Cloud现场演绎。仙气满满的Cloud以轻快的《自发性神经反应》揭开序幕，Fans挥动灯牌和旗仔，气氛热鬧。接着唱出歌词较沉重的《无以名状的痛》，Cloud非常投入，之后她表示几乎被前排Fans影响跟住喊。以为忍得住，结果她之后唱《放下放不下》时失守感动眼湿湿。唱完，她深深唿出一口气，说：「经歷咗好多嘢，我真系唔确定再录一次，系咪可以去返嗰个嘅我。美好嘅事情无得重复，有啲美好放喺心入面就够。」之后她唱出新歌《回忆半分钟》。
除了演唱新碟歌曲，Cloud还邀请唱片监制兼作曲人苏道哲、Gordon Flanders、Goro Wong和填词人林宝，以及唱片设计兼MV导演麦曦茵等台上分享合作趣事。之后她大派福利，encore演唱还未公开的作品《慢性分手》和林家谦旧歌《记得》，然后还抽出幸运Fans送出8幅碟内靓相，最后逐一跟全场Fans合照留念。
去年Cloud第一张唱片时举行发布会，不少圈中人支持。今次推出第二张唱片，首次以卖票方式举行试听活动。Cloud坦言最初担心票房反应，结果门票秒杀，一票难求。她说：「最初我有担心有没咁多人嚟支持我？好开心门票好快卖晒，好多Fans话买唔到飞，可唔可以开多场？我希望好快喺更大嘅舞台，同大家分享我嘅音乐。」又说：「今次系一个好激动和感动嘅表演，因为一直系好想同大家见面，唱晒新碟内嘅歌曲，好开心终于有一个机会喺个咁靓嘅地方、咁好嘅set up，同埋一队令我安心嘅Band，好伙伴。仲抢先唱咗未派台嘅新歌《慢性分手》，由王双骏监制、吴林峰作曲、小克填词。」
为了今次活动，Cloud特別设计「心碎版」限定签名款式，她说：「希望收到今次签名嘅Fans以后唔会心碎，又或者可以陪伴大家心碎。」而唱片外的绳结隐喻「心结」，她说：「呢条绳系绑住个心嘅心结，结象徵住『心结亦可以系一件好靓嘅事』，《INTRODUCTION to PAIN》对于我系美好嘅事，系成长好重要嘅一环，纪录咗我一啲心路歷程。」之后的计划，她说：「希望可以唱出大家嘅故事，亦希望在舞台上更上一层楼，俾大家睇到唔同嘅云浩影。今次唱片比较多唔开心嘅歌，之后会以其他形式去展现自己。」
台上一度感触眼湿湿，Cloud坦言綵排时已经很感动，她说：「下午到场綵排时已经有好大感觉，因为做呢张唱片唔容易，参与咗一啲呢张唱片嘅构思，真正感受到BB出世。做上一张唱片时自己仲系一个妹猪，唔知发生咩事，大家引领我走，今次唱片我真真切切感受到属于我嘅唱片，见到呢个场好开心，而且望到我以前住嘅屋企，系一个缘份。然后见到啲Fans，我记得佢哋嘅样，有啲认识好耐，亦有啲新脸孔，见到Fans佢哋好感触，自己都好感触。」
