「唱作王子」冯允谦（Jay Fung）新歌《报復式浪漫》邀请人气女神刘沛蘅（Hillary）担任女主角，攞正牌疯狂放闪，Jay Fung在床上乱摷Hillary，又丧讲百句I Love You示爱，镜头前后打情骂俏，现场充满粉红色浪漫泡泡！
揽实IG有23万followers 的女神Hillary，Jay Fung坦言超级紧张，说：「有一场戏我揽住Hillary喺床上谈情，好Sweet好浪漫，但我唔知只手放喺边度好，唔敢乱摆又怕摸错地方，于是就放喺佢个头上。」Hillary哈哈大笑说：「你系咁摷乱我个头，每次Cut机都要执一次。」Jay Fung担心粉丝呷醋： 「我怕你嘅Fans睇到MV后，觉得Jay Fung好咸湿，希望佢哋唔好嬲我。」Hillary向他派定心丸：「我哋饰演热恋中情侣，梗系尽情浪漫啦！」Hillary在MV裏饰演一名控制狂女友，不但锁住Jay Fung在屋企，还迫他穿情侣装、手机壳、Wallpaper，甚至躲在床下底监视男友，非常夸张。
除了「动作戏」，他们的「谈情戏」亦非一般卿卿我我。应导演要求，Jay Fung以不同层次向Hillary讲「I Love You」疯狂示爱，而百厌的Hillary不停摇头装聋，要他讲完又讲。最初细细声温柔地在她耳边讲，然后越讲越激动，最后做埋动作，大大小小的心形手势都做齐，Hillary仍然甜笑不停摇头，Jay Fung拿她沒办法，拳头硬晒，还肉紧地捉住她手臂，全场爆笑。足足讲了百次「I Love You」，Jay Fung和Hillary都笑言打破人生中，示爱和被示爱的纪录，他们说：「无论有沒有情人，只要好想有Sweet嘅感觉，就可以日日重復睇呢个MV，睇我哋好变态咁互相用浪漫报復对方！」
镜头前他们疯狂放闪，镜头后亦不时打情骂悄。问Jay Fung为何邀请Hillary做MV女主角？他表示不用多说时，在旁的Hillary撒娇：「讲啦，讲啦，我想听呀！」他笑说：「我哋一早喺IG相识，第一次传短讯畀佢时串错佢英文名，好瘀，所以搵佢拍MV赔罪。」Hillary失望扁嘴。Jay认真地说：「睇佢个样咁Sweet，就知好啱呢首歌啦！其实我一直都好想同Hillary合作，后来知道原来我哋系同公司，所以就大胆要求请佢拍MV。」Hillary闻言心花怒放，说：「真系你要求搵我？好开心。我好锺意你嘅歌，公司话我知同你拍MV，我劲开心！」还即时讲出多首他的作品名，証明自己是铁粉。而当Jay Fung一人埋位时，Hillary就如小粉丝般用手机拍摄。
