寰亚乐队Nowhere Boys成军9年，终于推出第一首情歌《两秒》。新歌讲述一见锺情，仅仅两秒便爱上对方的故事，MV于台湾街头取景，以「一镜到底」的方式拍摄，画面唯美且暗藏大量彩蛋。当中6名游人各自代表着一首Nowhere Boys的歌，包括《天外飞仙》、《乱世超人》、《夕阳武士》、《移动城堡》、《旅途中的我》以及《无处游人》，原来是琴键及小提琴手兼作词人渔佬的主意。另一彩蛋就是歌曲是于殿堂级乐队Beyond的专属Band房「二楼后座」录制，得知录音室受重建计划影响面临清拆，主音Van透露在「二楼后座」清拆前，Nowhere Boys都会在这裏录制歌曲，希望能用音乐记录这珍贵的地方。
首次到访「二楼后座」的Van、鼓手Nate以及结他手Ken表现得相当雀跃，看到玻璃柜摆满Beyond的唱片和他们曾经用过的音乐器材时，三子兴奋得立即拿出手机拍下这裏珍贵的一切。Ken说：「呢度系Beyond嘅发源地，佢哋一开始喺度Jam歌、排练，后来有足够嘅金钱就喺呢度做歌。」Van说：「我见到有啲用到好残嘅Pedal，Ken同我解释系日本制好劲嘅Pedal，系家驹用过嘅，我见到直头唔敢掂。」Ken认同续说：「如果录歌，我可能真系会用返嗰啲Pedal。（Ken：其实可唔可以？）辉哥喺度应该得。」他们口中的「辉哥」便是90年代乐队Zen吉他手邓明辉，他亦是今次新歌的录音师，Ken感激对方的帮忙，大赞说：「头先录紧嘅时候，佢帮我哋不断咁Tune，好好声。」
得知「二楼后座」面临清拆，Nowhere Boys大感可惜，Van透露：「喺呢度录音感觉非常好，可能有Beyond或者家驹嘅加持。希望喺呢条街清拆之前，可以喺度录多几首歌，决定咗嚟紧每首歌都会Book呢度录，直到佢唔再喺度为止。希望可以用我哋嘅音乐、声音去记录低呢个地方。」Ken认同说：「系一件好可惜嘅事，我哋唯有用声音去保留。」
Van录和音期间一度被超高音歌词考起，幸得监制Adrian耐心指导，还准备了面包给Van补充能量，非常贴心。Van说：「唱Adrian啲和音系最爽，因为难啰！每次录音好似考试咁，亦都系对把声好好嘅训练。首先要求好高，Adrain系一个好好嘅老师同埋监制，尤其是佢编嘅和音系特別难唱。有时好难捉，有时音域好阔，好低去到好低，好高真系去到好高，所以我而家讲嘢把声都高音咗。」
《两秒》MV在台湾街头拍摄，讲述男女主角过马路时的一个对望，仅仅两秒便爱上对方的故事。Van说：「首歌好唯美，如果我哋出现喺MV就会喜感咗，出现都只会客串一、两秒，想搵靓仔靓女去拍呢个MV。」MV除暗藏6首Nowhere Boys的歌曲外，细心留意更会发现街上挂有印着歌名「地球侯机室」的横额。MV尾声，Van更以「夕阳武士」造型惊喜现身，认真有心思。
