「寰亚孻女」黄淑蔓（Feanna）最近参与第11 届微电影「创＋作」 支援计划（音乐篇）项目，演出吴咏琪导演「专业组」微电影作品《深房 l am not alone》做女主角，为提升演技，专程跟舞台剧演员兼戏剧导师邵美君学戏，获益良多。此外，Feanna更为电影首次作曲，邀请SHIMICA合作最新单曲《I am All Alone》，感激她与团队协助，成就解锁。
Feanna说：「好开心，今次可以参与『第11届微电影创＋作支援计划（音乐篇）』，再次与今次微电影《深房》导演吴咏琪（琪琪）合作，亦因为今次project，我有机会出一首歌。而且系我第一次作曲，好开心邀请到我非常欣赏嘅音乐人SHIMICA一齐写歌。我一直都好想同佢合作，所以第一时间谂到佢，立即邀请，佢爽快答应。」邀请过程顺利，连创作过程都很顺利，Feanna说：「第一次参与作曲我好紧张，以前我自己一个试吓作曲嘅时候，成日好担心旋律上做得唔好，搞到个过程拖得好慢。今次多谢A&R嘅同事Viki Chan，陪我一齐去SHIMICA嘅录音室，我哋谂到旋律就立即写低和试唱，仲要多谢当晚帮我哋伴奏嘅Howard。创作过程中，我搵到一个平静嘅自己。虽然之前会紧张，但以我嘅乐理知识，加上事前跟导演了解剧本，将自己对故事嘅感受放入旋律。」
新歌《I am All Alone》曲风有別于Feanna过往青春活泼类型，亦改变了唱法。她说：「呢首歌充满力量，跟我过往嘅唱法好唔同，系我好喜欢嘅音乐风格。可能大家都停留喺我年纪小嘅时候，发放青春可爱活泼感觉嘅歌曲，其实我已经成长，希望大家见到成熟咗、稳重咗、突破自己去咗一个新阶段嘅黄淑蔓。」
不断追求进步的Feanna，拍摄微电影《深房》之前，特別跟着名戏剧导师邵美君上演戏班，她说：「今次电影裏有好多来自隔篱邻舍和楼上嘅撞击、嘈吵声音，但其实拍摄嘅地方好宁静，我要靠幻想去演，然后发现原来我缺乏想像力。多谢邵美君老师教我好多演戏方法，刺激咗我喺演戏方面好多新想法。」她透露第一堂就被邵老师激发，情绪崩溃。她说：「我好喜欢邵老师嘅说话：『演戏没分对与错，每个人表达情绪嘅方式都唔同。』因为我过往错误认知，以为情绪演绎有标准，我要达到指标。其实只要代入情境和角色，自然地做出嚟就啱。邵老师启发咗我好多，令我更加勇敢去试不同嘅表达方式。」
得到高人指点，Feanna演技进步神速，微电影上架后，获赞有惊喜。她感谢琪琪导演陪伴上堂，还有整个拍摄和音乐创作团队，她说：「佢哋畀咗好多指引和方向我，令我喺创作路上不孤独，充满力量！」戏中除了邵美君老师客串一角，还有饰演Feanna前男友的邓家杰（Kakit）。她说：「Kakit同时亦演出今次项目另一位参加者嘅作品，多谢佢抽时间过嚟帮手，佢好专业、好热血。拍戏嘅时候，佢仲展示咗佢嘅折骨舞技，现场睇都几震撼！」微电影和最新单曲的MV都已在YouTube上架，Feanna表示希望大家喜欢她的新尝试。
