邓丽欣（Stephy）于今年3月完成一连三场的红馆演唱会后，歌迷反应热烈纷纷表示「唔够喉」，主办机构决定推出澳门站！Stephy将于9月20日在澳门威尼斯人综艺馆举行「STEP by STEPHY邓丽欣演唱会澳门站2025」，门票分为港币$1388、$988和$688，7月7日早上十时起，于www.hotdogtix.com优先购票，粉丝们万勿错过。
距离澳门演唱会还有三个月时间，Stephy透露正密锣紧鼓筹备中，首要任务是操肌。她晒出「老鼠仔」笑说：「完咗香港站我唔系偷懒，系肩颈有少少劳损，所以唔敢做太多剧烈运动，要休息返啲肌肉先，嗰几个月都没乜举重，啱啱开始返做运动。」歌单编排上，她指目前努力收集大家意见，说：「大家想转歌单定唔想？又或者想听咩歌？我自己都要谂一谂。」
筹备演唱会的同时，Stephy亦捉紧时间推出新歌《立断》，由苏道哲编曲和监制、谢芊彤作曲，并与Stephy一同填词。Stephy透露收到芊彤的Demo时已经是很完整的作品，除了很喜欢歌曲旋律外，部分歌词亦道出自己心声，于是促成了今次的合作。Stephy解释说：「讲紧一段围绕咗我好长时间、情绪纠结嘅关系，今日自己成长咗，经歷咗咁多嘢之后，懂得将呢啲情绪断开，唔好俾自己纠结喺唔开心嘅状态入面。佢仲有更深层嘅意义，但好多嘢唔想讲得太白，希望大家听歌、睇歌词时思考下。」
《立断》MV由Oscar执导，Stephy不但上山下海，还经歷酷热天气和滂沱大雨！拍摄当天的早上，Stephy于33度的烈日下到海滩拍摄落水镜头，她赤脚漫步在石堆上，优雅背后却忍受着脚板刺痛。一Cut机，Stephy面露痛苦表情笑说：「我表情系咪都管理得唔错呢？我仲要懒靓咁，但其实好痛。」
下午转战山头拍摄与8位Dancers跳舞时，天色突变下起滂沱大雨，幸好暴雨过后渐变天晴。拍摄前，Stephy与排舞师反覆练习不同的肢体动作，再与Dancers拼凑出唯美画面。她说：「跳舞同学仔同我跳咗啲好有意思嘅舞步，我都唔好意思话我参与跳舞，主要都系肢体形态，我唔系好识跳现代舞，无谓献丑就唔跳太多，配合几个动作咁。佢哋好辛苦，又落雨淋湿晒、又要用纱冚住个头，见佢哋出晒汗黏住晒啲阴，好多谢佢哋嘅参与。」
接着晚上便到Studio拍摄投影部分，很多不同颜色的图案投影在Stephy的脸上，她又用指尖轻画水面形成波浪，摄影师在水缸下捕捉唯美瞬间。Stephy回想着一整天发生的事，说：「经歷咗差唔多四季，今朝就出勐太阳好热，跟住又好潮湿有春天嘅感觉。下昼就开始落雨、乌云密佈，但好彩落完雨都拍到想拍嘅部分。夜晚就去返室内拍啲Mood嘢，呢首歌没特別要讲故事，希望攞啲比较靓、有诗意嘅画面。好好玩，系画面上讲故仔，而唔系用故仔去形容呢首歌。」
