「寰亚孻女」黄淑蔓（Feanna）穿着可爱校服造型拍摄新歌《梗颈四》MV，并邀请身高187cm的蔡浩然（Scott）担任男主角。Feanna坦言这首歌概念来自她真人真事，曾经在颁奖台下看別人得奖，心裏不是味儿。后来明白成功有先有后，时机未到就继续努力。而Scott表示名次重要，但他更重视过程得到的快乐和友谊。
新歌《梗颈四》由Claudia Koh作曲和编曲、陈考威监制、锺说填词，MV导演郭健及团队。MV故事中，热爱跳舞的Scott因患重病无法继续梦想，曾经赢过冠军的他将奖牌送给「梗颈四」的Feanna，在他的鼓励下，Feanna努力练习参加跳舞比赛，完成心愿。
Feanna问Scott：「你有没听过『梗颈四』呢个Terms呢？」Scott摇摇头，说：「未听过，可能唔系我个Gen（世代）。」Feanna立即启动老师模式：「『梗颈四』即系第四名，听讲以前跑马好多人会讲『哎呀，呢只马今次梗颈四啊！』即系争啲啲，入唔到三甲，攞唔到派彩！」又说：「相信唔止我一个，好多人都试过坐喺颁奖台下睇人哋攞奖，觉得自己好似配角。但其实大家都有付出努力，坚守梦想，可能呢刻未ready，咁就默默努力住先，总有一日可以去到心目中想要嘅位置。」Scott自爆求学时期是个大肥仔，亦曾遇到不快乐经验，他说：「我好明白中学嘅时候好多竞逐嘅心态，以为『赢』先至系一切。希望大家睇完《梗颈四》MV之后，明白比赛中得到嘅友谊和建立嘅嘢，远胜于排名。」
点解以校园做背景？Feanna承认因为她锺情「校服」，而且觉得人生接触最多名次和颁奖台，就是求学时期。她说：「读书时候好多比赛，例如运动会有颁奖台，只系第1、2、3名有位企，第4名无份。既然做一首鼓励嘅歌，就喺学校拍MV啦！」而身旁的Scott鼻子红红，原来剧情需要他练习跳舞时，突然病发流鼻血，鼻和双手都沾满红色血浆和颜料，cut机后Feanna追住Scott拍他清洁过程，还笑言似拍校园丧尸片。Scott笑说：「黄淑蔓要赔返个鼻俾我！我对手洗得七七八八，但我个鼻未搞掂，仲好红卜卜。我哋系咪顺便拍埋圣诞歌嘅MV？我扮红色鼻嘅小鹿。」Feanna笑言自己扮小矮人。
