《第41屆香港電影金像獎》周日（16日）在香港尖沙嘴文化中心大劇院舉行。鄭秀文（Sammi）自2001年開始先後提名10次的她已是第7屆入圍衝擊影后寶座，但一直陪跑未能封后，今屆憑電影《流水落花》成為大熱門，終於實現零的突破，更由好友劉德華手上領過這個入行33年夢寐以求的影后獎座，一上台都不禁激動落淚，全場掌聲如雷貫耳。
Sammi在台上多謝張艾嘉、毛舜筠、蘇玉華及袁澧林等一同角逐獎項的女演員。她表示「最佳女主角」獎項對她來說一直都好像遙不可及，但有時又覺得好似一步之遙：「咁多年我諗得最多唔係我幾時可以攞到呢個獎，而係我究竟點先可以進步，點樣喺演技上可以有提升、蛻變。其實由一個喜劇演員，轉去做正劇，所花嘅功夫、所行嘅路好長，當中亦都遇到好多困難，嚟到今日大家睇到我演出上面嘅蛻變。我好感激我今次遇到呢個劇本，我要好多謝 《流水落花》導演，好多謝你一開始就矢志不渝咁相信我可以演繹呢個角色，係你俾機會，多謝你。」
然後她講到對亡父的思念：「佢曾經講過我每一次演出或者我投身嘅蓺術工作好似完咗佢畢生嘅夢，希望我今日攞呢個獎，能夠喺你嘅藝術平台裹面拼湊出一個更美麗嘅拼圖。」最後她激動表示：「我真係好開心，我今次終於唔使企喺個賽道默默陪跑，我終於可以衝線，我係衝線嗰個呀！多謝你哋！」她更高興得即場高歌一曲，唱出張學友的《我等到花兒也謝了》，全場掌聲。
