由「籃球女神」譚旻萱（Mandy）、「寰亞孻女」黃淑蔓（Feanna ）和「長腿師妹」連家穎（Vian）組成寰亞全新女團Me& ，日前跟住唱片公司的師兄師姐：馮允謙（JayFung）、雲浩影（Cloud）和ANSONBEAN等，出席在西九竹翠公園舉行，由博愛醫院主辦的「博愛SO ME SHOW MUSIC」音樂會，座無虛席，非常熱鬧。
首次踏上舞台正式跳唱新歌《Eye to Eye》的寰亞女團Me& 出場，Fans興奮吶喊，表演結束，她們在台上正式向觀眾打招呼和自我介紹。返入後台仍然興奮未平伏，Mandy笑說：「剛才音樂早咗開始，我幾呼跑唔切到台中間，諗住臨時加舞步跳 ，好彩趕得切，非常順利。」Me& 透露平常練習以120分為目標，她但說：「平時我哋練習都以120分做目標，就係怕現場甩轆！我以為自己會好緊張，但原來上到台同觀眾互動，都覺得好爽，好想再有表演。我哋都好想同ANSONBEAN、Jay Fung合唱，因為佢哋嘅台風都好型，如果加入埋我哋，相信有新火花。」
雖然Feanna較另外兩位多台上演唱經驗，但完騷後她亦感觸地說：「我好開心，好耐無上台唱歌表演，心情好激動。」而Vian 坦言：「出場前以為自己會好緊張，結果來不及感覺就完咗，好希望留喺台上耐啲，多啲表演！」
同場的Jay Fung和Cloud都表示特別喜歡戶外騷，感覺好興奮，大讚觀眾好好反應，他們都希望在戶外場地舉行個人演唱會。ANSONBEAN出場前勤做運動，原來早有預謀上台除外套，露出一雙麒麟臂，邊跳邊唱，觀眾興奮站起來吶喊，反應熱烈。
