著名護膚品牌 La Mer 於尖沙咀打造聖誕期間限定店，以夢幻的體驗迎接佳節的來臨。特別邀請「唱作王子」馮允謙（Jay Fung）擔任開幕及亮燈儀式的嘉賓。Jay Fung 透露每年聖誕節，他都會為摯愛親友準備聖誕禮物。「我揀禮物主要考慮對方嘅喜好和需要，見到對方拆禮物時嘅眼神同埋笑容，對我嚟講好有意義。」媽咪當然是首選人物，而且必定選購 La Mer 保濕和緊緻精華兩大皇牌產品作為聖誔禮物，他說：「媽咪喺加拿大生活，當地天氣乾燥，我會送護膚品畀佢，佢係品牌Fans，一定好開心。」
活動上，Jay Fung 與 SENZA A Cappella 首度合作，精彩表演令觀眾聽出耳油。Jay Fung 興奮地表示：「今次 La Mer 活動同 SENZA A Cappella 合作，我非常之非常之開心，因為等咗呢個合作機會好耐！我本身喺自己嘅歌都會加好多唔同嘅 Harmony（和聲），所以今次終於可以同一隊咁出色嘅 A Cappella group 一齊表演，好好玩。」
他們合作三首歌曲都是由 Jay Fung 悉心挑選，他說：「首先係 Mariah Carey嘅《All I Want For Christmas Is You》，呢首歌非常經典，每次表演都會全場大合唱，氣氛好好，大家都好開心。另一首《Have Yourself A Merry Little Christmas》，我選唱 Michael Buble 版本，係我人生最愛嘅聖誕歌，我覺得我把聲適合唱呢個版本，再加上 SENZA 和音，感覺好新鮮、好特別。至於第三首歌《給你幸福所以幸福》，係我最新嘅派台歌，呢首歌好甜蜜，聖誕節最適合分享甜蜜和愛，希望大家聽到都會感到幸福。」
