MEDIA ASIA

新聞

其他

《二人餐》新陣容第五度登場 釗峰吳海昕強尼挑戰食唱煮演

已經四度公演的舞台劇《二人餐》,今年8月載譽歸來,換上全新演員陣容,由C AllStar的梁釗峰、《二月廿九》女主角吳海昕和ViuTV一哥主持強尼孭飛,假沙田大會堂文娛廳演出,8月26日至9月4日的門票上周開售,火速售罄。今日宣布加開9月6日至9日12日共6場,將於 2022年5月27日上午10時於art-mate 公開發售。釗峰和吳海昕又唱又演,強尼更會邊煮邊唱,他們期待台上一邊演一邊食,令全場充滿食物的香味。

 

《二人餐》於2006年7月首度登場,至2011年四度公演,今年換上三位舞台劇初哥演出,令人感覺煥然一新。日前釗峰,吳海昕和強尼,以及今次音樂部份的揸弗人「新青年理髮廳」成員歐陽德輝,一同拍攝宣傳海報,四位穿上色彩斑斕的服裝開party,吳海昕和釗峰捧著一碟意粉卿卿我我、強尼搖著酒杯、歐陽德輝咬著Pizza,工作人員落力地向他們噴紙炮,氣氛熱鬧。

 

演出一個很經典的劇目,釗峰、吳海昕和強尼揚言興奮多於壓力,他們爆料指導演馬志豪下禁令,禁止他們翻看彭秀慧、張銘耀(German)和徐羨曾之前的版本。釗峰說:「《二人餐》係一齣好成功嘅舞台劇目,我知道要演呢個舞台劇嘅時候,想搵彭秀慧老師嘅版本嚟參考吓,點知導演馬志豪唔准,佢唔想我哋被之前嘅版本影響,今次要任我哋玩。」在旁的吳海昕說:「係呀,未收劇本之前導演都好神秘,佢想我哋用自己嘅Style去演。我哋已經開始讀劇本和夾歌,我對音樂唔係好熟悉,好彩有釗峰帶住我係咁練習,依家一見面就自然會起歌。」釗峰說:「我一見到大家,腦海立即浮現歌詞,情節湧現,進入狀態。」強尼說:「大家都知彭秀慧演得好,我仲跟張銘耀學演戲,可想而知之前個版本有幾勁。加上知道釗峰和吳海昕係今次男女主角,我唔使考慮,一口答應!」

 

吳海昕最期待一邊演戲一邊開餐,她說:「我好鍾意一邊演戲一邊食嘢,會演得更自然,好期待到時全場充滿食物嘅香味!」強尼笑說:「我飾演一位廚師,一邊演一邊煮,好想睇你哋無論我煮得好唔好食,都要演到好似好好味咁嘅樣會係點。」相對即場下廚,他坦言台上唱歌更大挑戰。

其他

林嘉欣過百朵鮮花包圍拍廣告 望親身飛法國實景拍攝續前緣

更多

鄭秀文喜封最高廣告額之冠 身體力行乜都試 開展斜棟KOL

更多

蔡穎恩x時裝x雕塑 演繹木頭陶瓷的生命與溫度

更多

Highlighter送Sammi簽名海報反應熱烈 Jay Fung火星文密函考驗天后

更多

埋首作曲無閑理髮 馮允謙新髮型出席博愛歡樂傳萬家

更多

Highlighter Channel舉行估歌仔遊戲 鄭欣宜任星級嘉賓估到幾乎崩潰

更多

馮允謙生日Live與歌迷隔空慶祝 劉沛蘅緊張獻唱 釗峰速遞驚喜

更多

歌迷送巴士站燈箱賀生日 馮允謙親自打卡興奮認證

更多

「譚太」Evelyn首年派利是勁興奮 虎年接兩劇 挑戰新角色

更多

寰亞四福Sing揮春爆Fun Fung山水起 滿Joyce宜歸

更多

欣宜無辣不歡 試食活動勁開心 新年願望有好多好多桃花

更多

Van夫婦下廚放閃 AK萄萄扁晒咀

更多