「寰亞孻女」黃淑蔓（Feanna）和「治療系靚聲」雲浩影（Cloud）周末出席在尖沙咀海運大廈露天廣場Guerlain Bee Garden舉行的「悠揚蜜樂音樂會」，並配合宣傳「520世界蜜蜂日」活動，宣揚保育蜜蜂的重要性。這個音樂會相隔四年再次舉行，Feanna亦是相隔四年再獲品牌邀請表演，今次她還帶埋師妹Cloud參與，吸引近百Fans和途人圍觀聽歌，場面熱鬧。
為配合戶外表演，Feanna選唱幾首輕快的歌曲，包括《時候不早》、《My Cookie Can》和 Taylor Swift 的《22》。她唱《22》之前說：「我成日都保持心境只有18歲，開心啲，人都靚啲，所以我選唱TaylorSwift 嘅《22》，希望大家保持心境年輕。哈哈，其實我仲有兩個星期先至踏入22歲。」台下Fans立即高呼「生日快樂」，Feanna甜笑多謝。之後她介紹「師妹」Cloud出場，Cloud笑說：「雖然我年紀大過Feanna，但佢比我同好多歌手更早簽入公司，所以佢係我哋嘅小小師姐。」她選唱師兄馮允謙的《報復式浪漫》後，說：「今日天氣好好，好靚嘅太陽，如果有少少風就好了，我唱《氣流》希望帶微風令大家都舒服啲。」音樂會結束後，她到台下與Fans合照留念。
Feanna表示非常喜歡品牌最近推出的限量版香水AquaAllegoria，充滿清翠橙花和陽光甜橘香味，以及由藝術家Céline Cléron 打造的限量版水凝黑蜂活肌蜜，樽身印有用水彩畫的花花圖案，非常漂亮，打動Feanna芳心。
