天后郑秀文（Sammi）昨晚在澳门威尼斯人金光综艺馆，举行第七场「You & Mi郑秀文澳门演唱会2025」，邀请卫兰（Janice）担任表演嘉宾。在「眼泪系列」环节，Sammi穿上殿堂级时装设计师Tomas Chan为她度身订造，充满凄美意境的「五脏六腑血管流泪裙」，令她爱不释手。
Sammi说：「多谢Tomas Chan精心为我设计，用咗好多人手去缝制，其实系五脏六腑嚟㗎！有胸啦、有胃、呢个系子宫，好似仲有个肾。Tomas Chan嘅寓意系伤心到五脏六腑都识得流眼泪，呢条裙我特別锺意，请畀掌声Tomas Chan ，好靓！」
接着Sammi表示邀请了一位「好唱得」的表演嘉宾，然后《亲密关系》音乐奏起，卫兰（Janice）升上台，全场尖叫，她们手拖手合唱，然后Janice赞Sammi每晚啲衫都好靓，Sammi风骚笑说：「我真系真系好靓嘛，人靓就着咩都靓！」Janice感谢她对自己的鼓励，说：「你畀咗好多信心，好多年前鼓励我去keep fit，我真系好努力做gym。（见你举重添呀！）我好多谢你，就系Sammi团火好感染到大家！」Sammi即兴唱了几句「我的热情好像一把火」。
Sammi说：「我系睇住你出道，睇住你成长，尤其呢几年喺乐坛成绩咁好，仲穿州过省做咁多场演出，真系戥你开心。我哋有共同信仰，所以特別投契。」她赞Janice内敛和斯文，Janice问她是否「I人」？Sammi笑说：「我I㗎，in between啦，揈嚟揈去，M到就I㗎啦！」非常搞笑。Janice说：「我好感恩成为Sammi嘉宾，更感恩仍然可以听Sammi唱歌、睇Sammi演唱会，好正！」Sammi谦说年纪大，不知道精力还能唱到几时，Janice说：「Keep住呀，我哋都好需要你！」Sammi笑言要返后台食面和换衫，请Janice留步表演，她演唱新歌《The Best Version Of Me》，悦耳动人。
之后，Sammi唱完《唯独你是不可取替》后说：「人生裏面，我哋都有属于自己嘅故事，喺一段关系入面都有当中嘅苦和甜，我觉得人生经歷过咩嘢都唔重要，最重要系经歷过后体会到咩嘢，同埋回头望发现系一场好美丽嘅祝福，所有嘢都变得更加好。」然后许志安升上台，钢琴弹奏《世纪末烟花》，Sammi说：「我想讲，我好幸福，多谢你哋！」全场拍掌和欢唿声。然后Sammi一声「安仔」后，安仔甜笑点头并接着合唱，场面温馨。
