香港殿堂级天团草蜢,已先后到过台湾、美国举行「RE: GRASSHOPPER 草蜢巡迴演唱会」,今个月初三子再飞到新加坡室内体育馆,继续巡迴演出。
自三月中公布草蜢开骚消息,歌迷反应热烈,门票火速售罄,主办单位马上推出应变措施,加开场馆座位,让更多歌迷可以入场一睹草蜢三子high爆舞台的风采。
五月六日「RE: GRASSHOPPER 草蜢巡迴演唱会」在当地的新加坡室内体育馆正式开场,全场五千八百位观众high翻天,整晚跟着草蜢一起跳、一起唱,完骚后三子一起接受访问,蔡一智说:「估唔到我哋一开场,第一粒音,全场已经好crazy咁跟住唱足三个钟,无停过,真系好犀利,亦都俾到好大力量我哋。」旁边的蔡一杰补充:「上次嚟呢度开骚系17年嘅事,六年没开演唱会,新加坡嘅歌迷尽兴,我哋又开心。」苏志威也相当认同:「有佢哋嘅掌声、尖叫声支持,今晚我哋出尽咗一百二十巴仙嘅体力。」
六年未有到新加坡开骚,草蜢三子除了挂念歌迷,亦挂念当地的美食,蔡一智说:「我哋开骚前拍咗条片放喺社交网站,因为讲咗句挂住新加坡嘅美食,我哋由落机一刻,不停收到歌迷送嚟嘅美食,而家我间房,系有十几个班兰蛋糕,仲有海南鸡饭。」
提到今次演唱会最难忘事件,蔡一杰马上面露尴尬表情,他说:「我哋有一个环节,要将礼物抛去观众席送俾歌迷,可能当时我戴住手套,抛嘅时候甩手,成袋礼物撞向歌迷块面,嗰一刻,又好笑,又尴尬,我喺台上不断同佢讲对唔住,最惨系因为冲力太勐,份礼物撞完佢块面,再向后弹去其他观众,中咗『头奖』但最终攞唔到礼物。」
除了尴尬事件,新加坡歌迷的热情,同样令草蜢印象深刻,蔡一智说:「今晚歌迷玩嘅人浪,系可以媲美香港嘅观众,因为新加坡三面台,要U字型做人浪,难度高好多,佢哋系连续几首慢歌无间断玩人浪,真系要俾啲掌声新加坡歌迷。」
蔡一杰补充说:「同埋今晚完晒encore,唱晒歌单里面嘅歌,但啲歌迷唔捨得走,最后我哋三个要再上台,同大家谢幕,见多一面,讲多次拜拜。」
「嚟紧我哋7月会去云顶巡迴,新加坡嘅朋友过去好方便,到时可以再买飞嚟支持我哋,所以马来西亚嘅朋友扑飞要快手,当然我哋都好欢迎香港、台湾嘅歌迷,一齐过嚟马来西亚睇我哋演唱会啦!」苏志威说。