恭喜「唱作王子」冯允谦（Jay Fung）愿望成真，今年7月举行首次个人演唱会！
今年是Jay出道10周年，创作与歌唱成绩屡创佳绩，宣布今年七月二至四日，假九龙湾国际展贸中心StarHall举行一连三场「冯允谦Have a JAY Time 2022 演唱会」，并首度挑战四面台，票价港币680元，4月25日东亚银行信用卡优先订票。今日演唱会海报曝光，一向守身如玉的Jay，激罕解开衫钮，贴身上衣胀卜卜胸肌若隐若现，非常吸睛。
演唱会海报曝光，立即掀起Fans圈热话，Jay去年吸血鬼猎人造型深入民心，今次卸下黑色西装和大褛，在个唱海报展现阳光和性感一面，令人眼前一亮。他说：「今次海报拍摄，喺设计师Kenji屋企嘅花园取景，蓝天白云仲有小河流，好有大自然感觉。今次影相最大挑战，系我前两日同屋企人上邮轮玩，好开心，食咗好多嘢，嚟到影海报时就知惊！」穿着白色上衣，结实胸膛，让人看得热血沸腾，拍摄团队更为Fans谋取福利，不停解开Jay的衫钮，挑战他的性感尺度。「唔知点解工作团队个个想我骚少少胸肌？不停除我啲衫钮，有少少尴尬，好惊啲肥膏『咇』晒出嚟！多谢摄影师好叻，搵啱角度，影到好靓！」Jay笑说。
今年是Jay 出道10周年，梦想成真举行个唱，他非常兴奋和期待，最感激一班忠粉：「最多谢系Fans，好多由我初出道就一直陪伴，畀好多鼓励和支持，有段时间我无晒自信心，甚至想放弃唔再做歌手，系佢哋无放弃我，不断传讯息叫我加油，成日问我几时出歌，畀咗好大嘅力量令我坚持。我会做好今次演唱会报答佢哋。」除了Fans和家人，Jay亦希望邀请合作过的歌手朋友来睇骚，分享开骚的喜悦。
个唱开骚倒数尚余70天，Jay透露正努力减磅，他说：「去年减咗 15 磅，但自从爸爸返咗香港同我一齐住，呢半年佢日日煮好多好好味嘅嘢畀我食，我唔食佢会嬲，作为孝顺仔一定要食晒，结果重咗10磅，就嚟开骚我真系唔可以再食。」因为要排舞练歌，加上工作量大增，Jay减磅计划顺利进行中，而另一挑战是背歌词，他笑说：「我记性唔好，要记晒啲中文歌词要花好多时间，所以我将演唱会嘅歌放晒入Playlist不停听，瞓觉都听，希望发梦都记得。」
演唱会详情:
「冯允谦Have a JAY Time 2022 演唱会」
日期：2022年7月2至4日(星期六/日/一)
时间：晚上8时15分
地点：九龙湾国际展贸中心 – 匯星(Star Hall)
主办机构：寰亚娱乐 / 东亚娱乐
东亚银行信用卡优先订票
优先订票日期：2022年4月25日 (上午10时) 至4月27日 (晚上11时59分)
优先订票渠道：www.hotdogtix.com 或 HotdogTIX手机应用程式
票价：HK$680
注意事项：观众入场及观看演出时须遵守政府公佈之最新预防及控制疾病规例，并配合演出场地的入场安排。否则场地职员有权拒绝其进场，有关演唱会门票费用、客户服务费及速递费用，恕不退还。
