香港殿堂级天团草蜢上周五（19日）及六（20日）于新加坡圣淘沙举行一连两场《GRASSHOPPER 2024 RE-UNION CONCERT》，林珊珊一家、蔡一智太太带同仔女前来撑场，全场座无虚席，气氛High爆。三子特別为新加坡乐迷换上一套全新舞台服装，更带来「新加坡国宝」陈洁仪的经典金曲《担心》，非常有心思。他们预告8月举行的佛山站、再下一站的美国站都会增添不同的新元素，务求为乐迷带来惊喜又欢乐的晚上。
草蜢当晚以全新服装登场，一连唱出《好戏在后头》、《华丽舞台》以及《三分钟放纵》等节拍强劲的歌曲，观众尖叫声四起，不断挥动手上的荧光棒，气氛炽热。蔡一杰说：「为咗今次嘅演唱会，换咗一套新衫出场，畀新加坡朋友耳目一新嘅感觉。」蔡一智鬼马地说：「好靓㗎我条裤，闪晒㗎！」蔡一杰和应：「我条裤同件衫都好靓，加咗新元素会令自己起劲啲。」他们预告下一站的佛山站，再之后的美国站，歌曲编排上会略有不同，还叫大家敬请期待。
当演唱会去到中段时，观众蜂拥上前与三子握手合照，草蜢走到台边连环派心加飞吻，将现场气氛推到顶峰。献唱《宝贝对不起》时，三子更大派礼物，全场又唱又跳兼大玩人浪，犹如大型派对现场一样。苏志威说：「每次嚟到新加坡开演唱会，观众都好热情、好疯狂，佢哋愈投入，我哋就愈好玩。」蔡一智兴奋说：「同演唱会主题非常吻合，真系Reunion，所有锺意草蜢嘅人都嚟晒，好似开咗一场好大嘅Party咁。佢哋每一首歌都跟住节拍摇荧光棒，我谂我今晚都瞓唔着，发梦都见到佢哋摇紧荧光棒。」草蜢亦献唱新歌《Framily》回应观众的热情，蔡一智于台上感动表示：「《Framily》系送畀所有爱草蜢嘅粉丝们，你哋就好似我哋嘅家人一样。」
除劲歌热舞外，蔡一杰更特別献唱「新加坡国宝」陈洁仪的经典歌曲《担心》，前奏一起，全场尖叫声四起。蔡一杰说：「我哋原本邀请陈洁仪做嘉宾，但佢有啲家事未能前来同我哋一齐玩，佢答应咗下次一定会嚟做我哋嘉宾。大家都好喜欢我唱呢个版本嘅《担心》，好开心得到好多掌声。」
完场后，观众意犹未尽不肯散去，宠粉的草蜢再度上台为乐迷带来二度Encore，唱出《我们都是这样失恋的》、《爱拼才会赢》、《梦伴》以及《失恋阵缐联盟》，蔡一智说：「下一站佛山，如果大家都好热情，可能又会有另外一啲惊喜，我哋会练定好多歌，随时俾你哋点唱。」
今次的新加坡之行亦勾起草蜢很多的回忆，蔡一杰说：「谂返起喺呢度录唱片，新加坡嘅人对草蜢系非常之热情。」苏志威续说：「我最深刻系2000年，我哋三个一齐喺新加坡跨年演唱，喺电视台唱广东歌，我哋都系第一个，呢啲都系我记得嘅小小事迹。」
