香港殿堂级天团草蜢日前于美国三藩市举行一连两场「草蜢RE：GRASSHOPPER演唱会2024三藩市站」，全场座无虚席，气氛High爆。虽然蔡一杰因身体不适未能参与今次演出，不过未有影响蔡一智与苏志威的发挥，出尽200%力尽情演唱，赢尽观众掌声更承诺草蜢将齐人与大家见面。阿智说：「虽然我哋三缺一，不过美国嘅朋友一样咁支持我哋。相信杰仔知道咗一定舒服晒，等佢休养完，下次再返嚟美国同大家见面，到时一定会玩得更开心。」
演唱会以多首快歌揭开序幕，阿智与苏老闆一口气跳唱《好戏在后头》、《华丽舞台》、《三分钟放纵》、《红唇的吻》、《今晚停了电》、《失恋》和《ABC》。全场观众拍手尖叫，在台下跟着音乐又唱又跳，气氛高涨。二人唱《暂停．开始过》时更秉承草蜢演唱会「传统」，与全场观众大玩人浪，非常开心。演出去到尾声，观众意犹未尽不断大叫「Encore」，他们返回舞台感恩说：「就算我哋少咗一位成员，你哋都系咁支持我哋，我哋今晚竭尽所能、唱到最好，永远爱着你。」最后献唱梅艷芳经典作品《冰山大火》为演唱会划上句号。
完骚后阿智与苏老闆接受访问，二人兴奋表示：「感觉好正呀！」观众的热情更令他们战胜时差，阿智说：「原本我哋Jet Lag晕下晕下，但听到佢哋啲掌声同欢唿声，即刻成个人精神晒，4倍能量返番嚟。好多谢大家支持我哋，就算少咗一位成员，佢哋嘅掌声没少到，将杰仔嗰份平均分畀我哋两个。」他继续大赞说：「第二场嘅气氛更加Hot，好疯狂。第一晚嘅观众斯文啲，没玩到人浪，今日终于秉承到我哋玩人浪嘅文化，人浪声仲要好大声。」苏老闆声沙沙笑说：「你听我把声就知我出尽力，完全没留力！」
阿智透露第二场的歌单加插了小惊喜，就是首唱梅艷芳的《冰山大火》。他说：「向我师傅梅艷芳致敬，知道好多美国朋友都好挂住佢，除咗《绯闻中的女人》，我哋仲拣咗呢只，希望美国朋友永远都记住阿梅啲经典歌。如果唔系场馆有时间限制，我哋会系咁唱落去。」苏老闆说：「唔紧要，我哋出年40周年喺香港见。三藩市嘅朋友，你哋应承咗过嚟探我哋！」
由于今次演出三缺一，阿智和苏老闆到埗后便争取时间綵排，未有外出游览。苏老闆说：「到咗酒店就困自己喺房唔出去，养精蓄锐。始终三缺一，走位同埋啲歌要重新编排，一落机就喺酒店备战，没出过去，唯有落去跑步同健身。」阿智笑说：「去咗酒店房、酒店房厕所，我间房望出去风景好靓。」
