唱作歌手冯允谦（Jay）一连四场「Have a JAY Time 2022 演唱会」，昨晚（2日）在九龙湾国际展贸中心StarHall开锣。期待十年的演唱会却遇上颱风袭港，幸好下午改挂三号风球，如常开骚。Jay孭住一支结他穿过观众席走上舞台，以《A New Day》和《今天开始》为演唱会揭开序幕。而舞台设计成英文字母J字，寓意他带着音乐一步一步拥有自己舞台。他在台上感谢台前幕后，以及歌迷风雨不改支持他，令他非常感动。
昨晚Jay的父母及一众亲友、好友梁钊峰、林奕匡、蔡一杰、Mirror的正副队杨乐文（Lokman）和Anson Kong（AK）、林德信，还有同门师弟妹ANSONBEAN和云浩影（Cloud）等捧场支持。Jay感谢父母来港支持，但凑大他的嫲嫲缺席令他伤心落泪，说：「有一个人，今晚我好想佢嚟睇我嘅演唱会，但系嚟唔到，系我嫲嫲。 我哋关系好密切，细个爸爸喺香港工作，妈咪同嫲嫲喺加拿大凑我哋3兄弟，妈咪要返工，所以我大部份时间同嫲嫲一齐。我返嚟香港之后，打电话畀嫲嫲，佢成日都话我好叻仔，喺电视见到我唱歌，其实嗰段时间我无公司，无嘢做。我同佢讲，将来开到演唱会，要请嫲嫲嚟睇，唱歌畀佢听。好可惜两年前因为疫情佢离开咗，为咗佢我写咗首歌《给缺席的人唱首歌》。」
为了今次演唱会，Jay秘密练舞，台上表演有板有眼。他与徐㴓乔（Asha）合演吸血鬼三步曲环节，又唱又跳又演，延续《一步一悔过》MV吸血鬼爱情故事，观众亦看得投入。之后Jay换上黑色西装疑似真空上阵，跳舞时更胸肌乍现，观众兴奋欢唿。当介绍表演嘉宾出场时，Jay说：「呢位嘉宾好大只，跳舞好叻，请到佢嚟做嘉宾系Mir⋯⋯acle（奇绩）」观众起哄。他们合唱《开始倒数》后，Jay笑问AK：「我帮佢哋（指观众）问，你会唔会除衫？」AK称：「依家？」全场尖叫，他卖关子称买演唱会票入场就知道有否除衫。Jay称买不到票，AK立即说：「放心，你有票㗎啦，一定！」Jay赞AK说：「佢超级谦虚和友善，我哋第一次合作就系两年前，结他弹得好但好少表演，点解呢个人又弹得又跳得个人又咁好嘅呢？」AK说：「似你啰，你刚才跳舞都好掂喎！」还透露将有新合作，说：「我好开心，大家都知Jay系我偶像，我好锺意听佢唱歌，嚟紧我哋会有新合作，系咩？到时大家就知。」岂料Jay竟说：「我知道未架？」AK拖住他的手说：「你知，我哋录咗㗎啦！」Jay才恍然大悟，全场爆笑。之后AK独唱《黑之唿吸》，观众站起来跟住跳。
此外，Cloud 后日（5号）生日，完骚后师兄梁钊峰、ANSONBEAN、林德信以及唱片公司同事送她生日蛋糕，她好惊喜，说：「好开心，生日愿望唔讲得出嚟，但新歌喺生日期间派台，我希望大家会锺意，因为呢首歌系好表达到我嘅想法。」
