天后郑秀文(Sammi)昨晚(14/7)在红馆举行第三场「You & Mi 郑秀文世界巡迴演唱会2023」(Rescheduled ),开骚前她在后台玩夹盲盒扭蛋,又跟自己新碟《SOUND OF MI》一比一人形纸板布置合照,非常风骚和兴奋。而过亿票房电影《九龙城寨之围城》监制庄澄、邱礼涛导演、歌手郑融、周励淇、胡蓓蔚、胡定欣、黄智雯和DJ主持朱薰等捧场,入场前在后台打卡和抽盲盒,玩得好开心。
昨晚Sammi换上新装,穿着Rick Owens 皮革晚装
配House of Malakai 金属颈饰,与表演嘉宾张敬轩合唱。当她介绍轩仔出场时笑说:「我叫佢『阿仔』,但依家啲人叫佢『阿公』。」然后轩仔从升降台出场时,全场欢唿,合唱《笑忘书》后,轩仔轻吻Sammi手背,观众尖叫。
Sammi对轩仔说:「好多年前你做过我演唱会嘉宾。(系呀!)咁你嗰阵时叫做轩仔⋯⋯(依家都系㗎!)依家就叫做轩公,即系升咗呢,仲要系几何级咁升添!」轩仔说:「 我唔知呢个名系边度嚟?起码要去到阿公嘅年纪先啦!」Sammi扬言之前两场嘉宾都是比较新一代的歌手,轩仔细细声说:「其实我读紧书嗰阵都有睇《大头绿衣斗殭尸》⋯⋯依家我开骚,有时啲后辈嚟到,例如噚晚嗰个后辈歌手(林家谦),佢话九岁听我首《酷爱》!今晚轮到我,山水有相逢。」全场爆笑。
轩仔说:「我要好多谢Sammi,佢系我恩人。其实唔多歌手会带我呢啲新人出埠表演,但我好开心,当年我仲系新人嘅时候,Sammi带我去到马来西亚做佢演唱会嘅表演嘉宾,我好多谢佢!」Sammi说:「其实一代一代咁样带出嚟,你依家都系大人,要带新人出嚟!」然后轩仔唱《隐形游乐场》,观众听出耳油。
昨晚Sammi特別感性,在演唱电影主题曲环节时,眼泪决堤。她唱出过去十次提名金像奖最佳女主角奖项的电影歌曲时,看见电影片段和全场观众大合唱,她感触落泪。她说:「好多谢你哋替我高兴,唔知系咪人老咗就容易感触,头先睇返一啲自己电影嘅歷程,哗,原来我嘅青春、我嘅少艾、我毕生嘅努力都放咗喺工作裏面,一眨眼就已经过咗三十几年。我今日开演唱会,见到依然有咁多人支持,一直陪伴我成长嘅你哋,我觉得好感触和感动,令我觉得将我青春奉献晒喺工作上面系好值得。好多谢由我蛋白质少女,嚟到今天已经系中年妇人,你哋都仲咁支持我。」然后Sammi唱《万物有时》时泪如雨下,几乎唱不下去,全场歌迷掌声和欢唿声打气。
演唱会尾声,Sammi换了新装,以Vetements 牛仔大西装、Vetements crop 白色小背心、R13 短牛仔裤,配搭Bvlgari 高级珠宝,唱出旧作《记认》,并走近观众席。期间她看到大银幕的自己两臂结实三头肌时,不禁大叫:「哗,OMG,好有型呀!」