恭喜邓丽欣（Stephy）宣布明年3月14及15日，在红馆举行一连两场演唱会「STEP by STEPHY 邓丽欣红馆演唱会2025」，这是她出道22年，首次踏上红馆舞台举行个人演唱会，这一步走来不易，她开心地说：「演唱会名字寓意我入行到依家咁多年，一步一步行到上嚟呢一步，终于达成喺歌唱事业上嘅心愿！」演唱会门票港币$1180、$680 和$480，东亚银行信用卡独家优先订票于12月2日早上十时起，www.hotdogtix.com 或 HotdogTIX手机应用程式订票。
早前Stephy拍摄演唱会海报，以黑色高贵晚装长裙配长过腰的透髮，随风飘逸，简洁有型。「今次拍摄主题系『简单』，我哋想带出嘅讯息，唔系靠外在配搭或服饰去讲故事。以红色背景与黑色长裙嘅对比，干净俐落。希望以简单、俐落去呈现最真实、最舒服嘅我！」
她笑说：「呈现嘅感觉好舒服，但我一啲都唔舒服，睇落好似『无乜嘢』嘅动作，其实我已经book定嵴医，听日睇医生。因为条裙中间有少少皱褶，为咗呈现利落嘅形态，摆甫士都好花力气，好彩我不时有拉筋和练瑜伽，先至可以应付到。」镜头前潇洒，镜头后Stephy被几把风扇从不同方向吹着秀髮，她笑说：「其实都辛苦大家要企高和趴地，唔同角度帮我吹风。我系今日嚟到先知道条裙咁窄，所以大家开餐我都唔敢食嘢，只系食咗两粒蕃茄仔。」
Stephy表示当她知道将于红馆开骚，反应不来，说：「犹豫咗好耐『系咪真㗎？』，然后幻想企喺红馆唱歌嘅情况，其实过咗好耐先至识得去兴奋、开心、紧张，心情好复杂，系我歌唱生涯之中，最大成就解锁。红馆有一种魔力，系好多歌手嘅最终梦想，对我嚟讲亦好大意义。最大关键系点样将我咁多年以来嘅故事、经歷同大家分享，能够令大家好锺意呢个骚就系另一个成就解锁！」
哪首歌非唱不可？Stephy笑说：「一定要唱嘅歌就实在太多啦，尤其是经典歌实走唔甩。其中有首歌，如果唔唱一定唔放过我，就系『跑Online』（《Fantasy Tale》主题曲）。」她表示每次表演都有人点唱，说：「呢首歌俾大家好多回忆，或者好多唔同嘅意义，系一首好开心嘅歌。」至于跳舞部份，Stephy由女团出道，跳唱是她成长嘅纪录，她笑说：「我都有少少『身痒痒』都想跳吓舞，不过平时喺屋企郁吓，好耐无试过喺咁多人面前跳舞，有啲紧张和期待。」她还透露正在构思其他惊喜表演，目前先卖关子。
演唱会/ 优先订票资讯：
演唱会详情
STEP by STEPHY 邓丽欣红馆演唱会2025
日期：2025年3月14至15日
时间：8：15 PM
地点：红磡香港体育馆
票价：HK$ 1,180 / $680 / $480
主办机构：寰亚娱乐 / 东亚娱乐
东亚银行信用卡独家优先订票
优先订票日期：2024年12月2日（上午10时）至12月4日（晚上11时59分）
优先订票渠道：www.hotdogtix.com 或 HotdogTIX手机应用程式
*东亚银行信用卡持卡人请先登记成为HotdogTIX会员，以享优先订票。
注意事项：主办机构唿吁市民应循正式途径购票，以免受骗及招致损失。有关票务详情，请参阅购票网站之条款及细则说明。
