由张衞健（Dicky）、许志安、苏永康和梁汉文（Edmond）组成的BIG FOUR，将于今年8月9至11日在红馆举行「FWD富卫保险呈献：BIG FOUR HAPPY TO SEE YOU ALL演唱会2025」。门票分別为港币$1180、$680和$480，东亚银行信用卡独家于6月5日早上十时起优先预订门票，BIG FOUR粉丝万勿错过。
相隔12年BIG FOUR合体再踏红馆舞台，台前幕后阵容强劲，演唱会海报重金礼聘鬼才林海峰（Jan）担任创意大脑，星级摄影师夏永康亲自操刀，捕捉四子最Man、最有型、最突显他们超过30年的真挚友情，化作正能量散播出去。
Dicky爆料「BIG FOUR」由Jan命名。他说：「我哋第一张演唱会海报，4个人咬住一支玫瑰花嗰张，就系由Jan帮我哋做。好开心今次我哋三顾草庐，邀请到佢出山。」Jan幽默回应：「嗰次演唱会喺2010年，即系隔咗15年先至有第二个job，都算系咁，我都终于发市！」2013年他们举行第二次红馆演唱会，至今相隔12年。
今次演唱会「HAPPY TO SEE YOU ALL 」再由Jan命名，他笑言：「原本谂住佢哋咁耐无见大家，想用『BIG FOUR无穿无烂演唱会』，但中文名呢个唔系几好，不如谂个英文名，就叫『BIG FOUR BODY CHECK演唱会』，每次上台都系你哋同观众嘅一次体检。」Dicky补充：「唔（做）骚唔知身体好！」Edmond说：「BIG FOUR系我哋嘅『根』，咁耐无见，梗系要一齐搞啲正嘢畀大家啦！」令人非常期待。
喜爱时装，经常为BIG FOUR扮靓的苏永康，被Jan问他今次四子造型？他说：「都要问过你（Jan）先！好开心又再同大家衬衫衬饰物。（困难吗？）困难喺我度，我依家嘅size畀唔到佢哋用，除咗啲披肩围巾之外。（要加拐杖吗？护㬹、护膝？）好彩，仲未需要！」Jan笑指安仔低胸上阵，安仔即掩住心口，拉开话题：「虽然我哋也成日见面，但一齐喺舞台上出现，真系好耐无感受到，直到今日一齐影海报，感觉到个力量返嚟啦！」
海报拍摄期间，现场播放多首有关友情的歌曲，Jan笑说：「最初拣咗《监狱风云》首歌《友谊之光》，谂住播呢啲歌帮佢哋带入情绪，后嚟发觉都唔需要，佢哋四个好快就好自然咁入咗嗰个氛围，呢个就系大家都好想喺台上见到佢哋俾大家嘅感觉。尤其是Dicky，佢好清楚我想大家表达乜嘢，一直带住大家，始终都系最大（年纪）。」Dicky一脸认真，扮作有感而发，说：「长辈嘛，『牵牛上树』系有啲难度，仲要系三只牛，但系佢哋都算乖、听话！」
事隔12年，BIG FOUR不但成家立室，苏永康更炎嫩升爸爸，问他如何凑仔又开骚？他说：「轮到佢就返我一次啦！囝囝自出生开始，成日见到呢三位叔叔，又分別睇过佢哋唱歌，但未见过我哋四个同台表演。」Edmond爆料：「佢成日迫个仔睇架！」一人一句，现场充满笑声。Dicky说：「BIG FOUR走埋一齐，自自然然就会带到快乐畀大家，经过咁多年月之后，希望今次除咗快乐，大家有更多得着。」Jan以醇酒形容他们的友谊和情怀。
