草蜢「GRASSHOPPER THREE IN LOVE CONCERT草蜢演唱会2026」新加坡站，周末（20/6）于新加坡室内体育馆顺利完成，全场爆满，座无虚席。草蜢表示特別将40周年世界巡迴演唱会海外首站选在新加坡，因为恩师梅艷芳第一次带他们出埠演唱就是新加坡，意义重大。更惊喜是台下有Fans当年有入场睇梅姐演唱会，见证草蜢1986年处男登台！
阿智台上说：「我哋草蜢世界巡迴嘅第一站要拣新加坡，因为呢度对我哋三个好有渊源，我哋第一次跟梅姐出埠，就系嚟新加坡！」全场欢唿。杰仔问：「边个1986年有嚟睇梅艷芳演唱会？」台下有Fans举手，草蜢好惊喜。阿智说：「沒有梅艷芳就沒有草蜢，所以我哋想将呢个舞台献俾我哋嘅师傅梅艷芳，多谢佢当年带我哋嚟到新加坡认识大家，我哋要搵返我哋嘅初心，多谢你哋支持草蜢40年！」
苏志威说：「好多谢你哋一知道我哋要嚟开演唱会，第一时间买飞，好早就卖爆晒，多谢你哋嘅支持，为我哋世界巡迴打咗第一支强心针！」观众反应非常热情，完场后乐队已退场、观众席开了灯，仍不肯离开，大嗌encore。草蜢一边戴耳机一边行返上舞台，阿智说：「你哋仲唔走？啲歌真系唱晒啦！」杰少说：「Band都走晒喎！」阿智说：「我哋下一站去马来西亚，你哋挂住我哋就嚟啦！」然后他们演唱《暂停·开始过》，并向所有Fans挥手道別。
演出后草蜢接受访问，阿智说：「真系非常、非常、非常多谢新加坡嘅Fans，好热情！40年前梅姐带我哋第一次到海外登台就系新加坡，20岁仔人生第一次搭飞机，所以我哋对新加坡有情意结，私心要拣返呢度做40周年演唱会嘅巡唱第一站。刚才有Fans举手话86年有睇梅艷芳演唱会，睇过我哋表演，真系毛管戙啊！」
虽说新加坡观众比较内敛，但草蜢的Fans特別热情，阿智说：「好少会开晒大灯都唔走，呢啲『真encore』，盛情难却，其实我哋三个都唔捨得走！现场澎湃嘅欢唿声，好似喺球场睇『世界盃』比赛咁劲！」
杰少表示开心见到来自世界各地Fans专程飞到新加坡捧场，说：「好多Fans睇过香港站演唱会话正，话要再睇，特登飞嚟睇！」阿智说：「佢哋就醒目啦，香港红馆四面台，嚟到新加坡三面台系有另一种感觉，感受到制作团队嘅心思，不一样嘅震撼！」苏志威说：「好多朋友话睇完今晚新加坡站想继续睇，咁就要扑马来西亚站嘅门票。」
除了草蜢演唱会「传统」与观众玩人浪，今次新加坡站加设观众传波波游戏，全场玩得劲开心，气氛超好。阿智笑说：「知道好多Fans平时读书、返工，没时间做运动，所以加咗『碰碰波』游戏，掂到个波嘅Fans都得到草蜢嘅爱。至于马来西亚站都有新花臣，依家申请紧，希望成功，大家到时感受一下我哋为大家准备嘅心意！」而香港演唱会的「情歌盲盒」环节亦带到巡唱，每晚不同惊喜，今次新加坡站演唱《我们都是这样失恋的》和《永远爱着你》。
杰少透露前一晚綵排后去食宵夜，遇到一位廿四孝妈咪，她见到草蜢后即通知两个囝囝飞车赶到大排档见偶像，他们表示因为扑飞失败，无缘入场感可惜，好彩场外偶遇，更得到草蜢在他们的tee上签名留念，非常开心。阿智扬言在新加坡食到超好味海南鸡饭，期待马来西亚食肉骨茶和榴槤。
