郑秀文（Sammi）在启德主场馆举行一连三场「答谢会」，惊喜一浪接一浪，前晚与嘉宾刘德华登上《瘦身男女》经典「朋友号」巡游，昨晚第二场嘉宾许志安，许生许太世纪手拖手合唱《一步一生》和《其实你心裏有沒有我》，掷下粉红色震撼弹。
Sammi坦言被通知演唱会延期后感到前所未有的考验，她选择积极面对，说：「今次一连三晚『答谢会』对我嚟讲相当之特別，我谂对于现场嘅观众都系一个好大嘅体验，所有嘢都好突发，所有嘢都好突然。开show前几日收到消息，一切叫『停』，呢个『停』字相当之重。之前我做咗好多准备，团队亦都预备咗好多精彩、好多嘢睇嘅production。既然上天俾咗呢个考验我，我就接受佢，用好正面、积极嘅态度接受佢！」
然而她自觉需要更大的力量来陪伴，说：「原本今晚喺真正嘅演唱会上系没任何嘉宾，但发生呢件事，我觉得今晚喺呢个舞台上，我好想有一份更加大嘅力量俾自己，因为呢几日走过来确实好唔容易。前几日我同呢个人讲：『你可唔可以嚟做我嘅嘉宾啊？我记得有一年喺红馆，开开下演唱会没晒电嘅时候，我叫救命，第一个谂到你，所以今次好想有呢份力量帮我去渡过。』」音乐奏起《一步一生》，许志安升上台，全场欢唿。
安仔边唱边一步步走近伸展台中间的Sammi，而Sammi亦向他行过去，她接着唱：「沿途就算跌，要跌得好看，才能不自责，报答別人厚望，然而谁明白我沒你们所想的坚壮，我很想找个人，对我说別怯慌」她肉紧地握着拳头，歌词似乎笃中她的心声。他们相遇，四目交投，尽在不言中，安仔一手拖住Sammi，给予她最大和最温柔的力量，全场再次尖叫。
唱完，Sammi对安仔说：「多谢你！前几日，临时临急问你可唔可以陪我企喺呢个台？因为今晚第二晚，我好唔想自己一个人。于是我通知公司，可唔可以临时加个嘉宾？因为原来有好多嘢搞，要买保险，都整得切，帮你买咗保险。」观众被Sammi反差萌逗得爆笑，安仔就一直甜笑望住她。
然后他们合唱经典作品《其实你心裏有沒有我》，Sammi笑说：「几廿年嘅歌，好耐无唱。」安仔又忍不住笑。他们手拖手边行边唱，最后对望、傻笑、拥抱，非常温馨。安仔转身离场时，Sammi笑说：「屋企见，拜拜，See you later！」场面温馨逗笑。
昨晚VIP区亦好热鬧，「大小谷」谷德昭与谷祖琳、冯允谦、女飞鱼欧铠淳、Nowhere Boys主音Van、连家颖和江博熙等捧场。巡游环节换上小红车，Sammi演唱《冲动点唱》和《热爱岛》，观众走上前热情挥手，非常热鬧。
而Sammi亦换了新装，其中encore唱《终身美丽》时穿上珍珠白色露肩裙，原来特別为香港站的歌迷而设，她说：「我喺大马演唱会，着咗一条呢个style嘅裙，当时所有观众都觉得好靓。香港场我都好想着返条咁嘅裙俾观众睇，呢条系新㗎，希望香港嘅观众都可以感受到佢嘅美丽。」Sammi果然是「宠粉天花板」，她亦再三叮嘱观众好好保存门票，可选择退票或之后凭票入场欣赏正式演唱会。最后，她感激观众支持她和团队，说：「启德个场再大都比不上你哋嘅包容，同埋对我嘅爱咁大，多谢！」
