预祝陈健安明天（15日）快乐生辰！
日前他与歌迷会「本原族」逾百族人庆祝生日，兼歌迷会成立三周年纪念。现场布置多个打卡位，族人一家大小到贺，与安仔玩游戏、唱歌、抽奖、合照、切生日蛋糕，玩到又笑又叫，非常尽兴。生日愿望除了夹公仔得心应手，大家身心健康，安仔希望在更大场地再举行个唱。
众所周知安仔宠粉，自己生日反而狂送出礼物和海报、落场一齐玩游戏、即场亲手刨西瓜冰，还自?喇叭首唱新歌《额头有字》，让族人先听为快。看见歌迷会「本原族」日渐成长，族人相亲相爱，安仔感安慰，说：「欢迎新『族人』，亦多谢一直支持我嘅旧『族人』，我哋嘅相遇永远都系不迟不早。唔使担心好迟先认识我，最紧要有认识。好多谢你哋嘅爱，我会继续做好多作品，希望我唱歌每次都有进步。」安仔透露刚收到新歌歌词，即将录音，族人都兴奋欢唿。
当日族人分成4组，安仔每个游戏都加入其中一组做皇牌，如该组胜出就赢双倍分数。游戏以他的歌曲命名，包括《创作者的派对》、《不迟不早》、《当我们返回现世》和《我违和但我不纠正》等，全部都是集体游戏，场面热鬧，安仔和两位司仪嗌到声嘶力竭，好搞笑。玩完游戏，安仔表示要加插项目，首唱新歌《额头有字》，还全场大合唱，他开心到跳吓跳吓，他赞歎：「呢个版本系无可取代！」
「我好开心！一入场见到啲布置好靓，一年靓过一年，佢哋知我喜欢嘅嘢都整晒出嚟。睇吓个生日蛋糕，有我锺意Chiikawa嘅兔兔、外星人，超靓！佢哋整咗啲盲盒，内有不同款嘅手机磁吸，仲有隐藏版，识玩！另有三款小卡随机送，有令我沉迷嘅光栅卡、熨金签名卡和闪卡。佢哋知我锺意日本嘢，印咗啲昭和风格小海报。」安仔感激族人为他生日花尽心思。他有回礼：「我精挑咗好多夹嘅公仔送畀大家，以sweet为主题，例如一对对嘅公仔或者甜品系列，亦有我割爱嘅Chiikawa特別版和神秘礼物 ，希望大家锺意。」期间安仔误认小新妹妹是小新女友，全场爆笑。
生日正日，安仔表示会去踢足球，而生日愿望，他说：「锺意夹公仔嘅朋友，包括我，顺利夹到想夹嘅嘢。我继续做歌、唱歌继续进步。大家身心健康，自在写意！」至于开演唱会，他说：「单飞至今都有廿几卅首歌，近年又多咗啲新歌。上次喺麦花臣开咗4场，但都有歌迷话买唔到飞，希望喺更大嘅场地开骚。呢个唔只生日愿望，系目标。」
