復活节假期最后一日（四月二十一），乐队Nowhere Boys五子到旺角T.O.P商场举行Mini Live，为新歌《给失败者的一封信》进行宣传。虽说是Mini Live，但Nowhere Boys一共准备了九首歌与在场乐迷分享，更邀请了两队年轻的Busker担任嘉宾，与他们一起分享舞台。
「今日搵咗两队busker上台表演，其中一队1AMJAM，仲唱咗我哋嘅新歌《给失败者的一封信》，佢哋仲重新编曲，我没谂过首歌可以咁chill，最终我哋都忍唔住，逐个走埋去同佢哋一齐jam，尤其开场前我帮其中一位成员孭起支结他嘅时候，突然有一种传承嘅感觉。」主音阿Van说。
到Nowhere Boys正式出场，他们连串唱出多首经典作品，包括《我们的航海时代》、《放飞之旅》、《票房毒药》、《地心吸力》以及《地球候机室》，替在场乐迷热身，接着唱出轻快作品《掹藤》，全场一起欢唿跟着唱，将现场气氛推上高峰，阿Van续说：「今日最大感受最好玩嘅歌系《掹藤》，开场一连几首慢歌，当一唱《掹藤》，现场嘅energy好大，我feel到成个商场都震，有一种去咗红馆开show嘅感觉，所以好开心。」
接着唱出《我们的移动城堡》、新歌《给失败者的一封信》以及压轴的《天外飞仙》，乐迷兴奋得不断揈毛巾，就连Nowhere Boys低音结他手Hansun的4岁囡囡Eunice，也跟着音乐起舞。场内气氛高涨，乐迷根本唔捨得走，不断嗌encore，最后Nowhere Boys额外送上《无处游人》，为Mini Live划上完美句号。
「今日算系acoustic嘅演出，但我哋首新歌《给失败者的一封信》太重型，当要用木结他去演绎，需要重新编曲，保持番佢原有嘅energy同时，又不失acoustic嘅感觉，其他歌都系，今日最后玩咗十首歌，但呢个都系我哋最擅长，喺没电脑、没program底下，用大家手上嘅乐器、用人声造出声效，用最真嘅声音去演绎。」
提到近日Beyond成员黄贯中在社交网站发文，感谢Nowhere Boys结他手阿Ken，帮他寻回并维修已失去超过三十年的结他，阿Ken解释在他发现、维修、物归原主这个长达一年半的过程，彷彿一切都是冥冥之中。
「支结他系我一个同我夹开band嘅村民俾我，但送到我手嘅时候已经好多零件坏晒，连螺丝都甩埋，即使我学过整结他，但呢支估计喺1987年出产嘅Steinberger结他，里面嘅零件我当年没学过，最后好好彩搵到间厂肯同我重新生产，但啲零件寄到嚟，我都唔识整，要再花好长时间上网搵呢支结他嘅设计图，再搵师傅整咗四个月。」
虽然重新更换了零件，但结他的音色还未达标，阿Ken坦言心里很着急，他希望Nowhere Boys可以与阿Paul的结他做一个纪录，即使音色未尽完美，阿Ken最后还是将这支结他，带到五子去年十月在西九举行《US》演唱会的尾场，阿Ken攞起阿Paul的结他上台弹奏《推石头的人》以及《逃出阿卡拉》，而身为Beyond歌迷的他，更唱出Beyond作品《海阔天空》。
「我当日学结他都因为Beyond，好清楚一支结他对结他手有几咁重要，所以我花咗好长时间再帮支结他调音，希望可以喺阿Paul三月三十一日生日之前，将支结他交番俾佢，因为好多Beyond嘅经典作品，都系用呢支结他弹出嚟，所以能够完成呢件事，我觉得好感动。」阿Ken说。
